مسلح افواج پاکستان آج کیپٹن محمد سرور شہید (نشانِ حیدر) کی 77ویں برسی نہایت عقیدت و احترام سے منا رہی ہیں۔
کیپٹن سرور شہید 27 جولائی 1948 کو آزاد کشمیر کےاڑی سیکٹر کے محاذِ جنگ پر مادرِ وطن کے دفاع میں جامِ شہادت نوش کر گئے تھے۔
کیپٹن محمد سرور شہید کو پاکستان کے سب سے اعلیٰ فوجی اعزاز ‘نشانِ حیدر’ کا پہلا حقدار ہونے کا شرف حاصل ہے۔
انہوں نے پہلی کشمیر جنگ کے دوران تلپترا کے محاذ پر دشمن کے سامنے بے مثال جرات، قیادت اور فرض شناسی کا مظاہرہ کرتے ہوئے اپنی جان وطن پر قربان کر دی۔
پاک فوج کے شعبہ تعلقات عامہ (آئی ایس پی آر) نے شہید کی بے مثال قربانی کو خراجِ تحسین پیش کرتے ہوئے کہا ہے کہ کیپٹن سرور شہید کی بہادری اور قربانی افواجِ پاکستان کے لیے حوصلے، عزم اور حب الوطنی کی دائمی علامت ہے۔
یہ بھی پڑھیں: کیپٹن شیر خان شہید کو 26ویں برسی پر مسلح افواج کا خراجِ عقیدت
ان کی زندگی ہمارے عسکری اقدار فرض، عزت، اور حتمی قربانی کا عملی نمونہ ہے۔
مسلح افواج نے اس موقع پر ایک بار پھر عہد کیا ہے کہ وہ شہداء کے عظیم ورثے سے طاقت لیتے ہوئے پاکستان کی خودمختاری اور سالمیت کے تحفظ کے لیے اپنی ذمہ داریاں بھرپور انداز میں نبھاتے رہیں گے۔
آئی ایس پی آرکے مطابق مسلح افواجِ پاکستان کیپٹن محمد سرور شہید (نشانِ حیدر) جیسے عظیم شہداء کے عظیم ورثے سے حوصلہ پاتے ہوئے پاکستان کی خودمختاری اور علاقائی سالمیت کے تحفظ کے لیے اپنی غیر متزلزل عزم کی تجدید کرتی ہیں۔
