نئی دہلی: بھارتی فوج کے ڈپٹی آرمی چیف لیفٹیننٹ جنرل راہول سنگھ نے پاکستان کے ساتھ حالیہ جنگ کے دوران پاکستان کی عسکری برتری اور اپنی شکست کا اعتراف کر لیاہے۔
نئی دہلی میں ایک دفاعی تقریب سے خطاب کرتے ہوئے لیفٹیننٹ جنرل راہول سنگھ نے کہا کہ پاک بھارت جنگ کے دوران انہیں صرف پاکستان ہی نہیں بلکہ چین اور ترکیہ کا بھی سامنا کرنا پڑا۔
لیفٹیننٹ جنرل راہول سنگھ کے مطابق چین پاکستان کو بھارتی فوجی تنصیبات کے بارے میں براہ راست معلومات فراہم کر رہا تھا۔
یہ بھی پڑھیں: پاک فضائیہ سے جھڑپ میں ہمارےطیارے تباہ ہوئے، بھارتی دفاعی اتاشی کا اعتراف
انڈین ڈپٹی آرمی چیف نے ساتھ ہی بھارتی ائیرڈیفنس کی ناکامی کا اعتراف کرتے ہوئے کہا ہمیں وقت پر اہم سامان نہیں ملا۔
جنرل راہول سنگھ نے بھارتی فوج کی ناکامیوں کو تسلیم کرتے ہوئے کہا کہ پاکستانی فوج کو ان کی تمام نقل و حرکت کا علم تھا اور پاکستان کی C4ISR صلاحیتیں نے بھارتی فوج کو حیران کر دیا۔
انہوں نے پاک فضائیہ کی الیکٹرانک جنگی صلاحیتوں کو بے مثال قرار دیا، خاص طور پر آپریشن سندور کے دوران۔جنرل سنگھ نےمضحکہ خیز طور پر کہا کہ بھارت کے بڑے سائز کی وجہ سے بھارتی ائرڈیفنس ناکام ہوگیا اور پاک فوج کے الفتح راکٹ سسٹم نے بھارتی فوجی اڈوں کو موثر طریقے سے نقصان پہنچایا۔
بھارتی جنرل کا کہنا تھا کہ جب ڈی جی ایم او سطح کی بات چیت ہو رہی تھی تو انہوں نے ہمیں بتایا کہ آپ فلاں ہتھیارسے حملہ کرنیوالے ہیں جسےروکیں۔
یہ بھی پڑھیں: ہم کچھ باتیں تسلیم نہ کرتے تو پاکستان بھارت پر بڑا حملہ کرنے کیلئے تیار تھا، جے شنکر کا انکشاف
انہوں نے الزامات عائد کئے کہ ہمارا سامنے سرحد ایک تھی مگر دشمن تین تھے، چین پر الزامات عائد کرتے ہوئے سنگھ نے کہا کہ اس نے بھارتی سرزمین پر اپنے ہتھیاروں کا تجربہ کیا۔
لیفٹیننٹ جنرل راہول سنگھ نے پاکستان کی فوجی صلاحیتوں کا ذکر کرتے ہوئے کہاکہ پاکستانی فوج کو ہماری نقل و حرکت کا علم تھا، اور ان کی C4ISR صلاحیتوں نے ہماری فوج کو حیرت میں ڈال دیا۔
یاد رہے کہ اس سے قبل بھارت کے دفاعی اتاشی بھی شکست اور بھارتی طیارے گرنے کا اعتراف کرچکے ہیں۔
