اسلام آباد(کشمیر ڈیجیٹل) وزیراعظم پاکستان محمد شہباز شریف سے صدر پاکستان مسلم لیگ ن آزاد جموں و کشمیر شاہ غلام قادر کی ملاقات۔ اس موقع پر وزیراعظم پاکستان کے مشیر برائے سیاسی امور رانا ثنا اللہ، وزیر امور کشمیر انجینئر امیر مقام بھی موجود تھے۔
صدر مسلم لیگ ن آزادکشمیر شاہ غلام قادر نے وزیراعظم پاکستان میاں شہبازشریف کو آزاد کشمیر کی تازہ ترین سیاسی صورتحال اور جماعتی معاملات سے آگاہ کیا۔
وزیراعظم پاکستان محمد شہباز شریف نے آزادکشمیر میں مسلم لیگ ن کی کارکردگی پر اطمینان کا اظہار کرتے ہوئے کہاکہ آزاد کشمیر ہماری اولین ترجیحات میں شامل ہے
شہبازشریف کا کہنا ہے کہ حکومت پاکستان آزاد کشمیر کی تعمیر و ترقی اور مسئلہ کشمیر کے پرامن حل کیلئے ہر ممکن کردار ادا کرے گی۔
وزیراعظم محمد شہباز شریف نے پاک بھارت جنگ میں آزاد کشمیر کے عوام کی جانب سے پاک افواج کے شانہ بشانہ کھڑے ہونے پر آزاد کشمیر کے عوام کا شکریہ ادا کیا۔
سپریم کورٹ : نظر ثانی درخواستیں منظور، پی ٹی آئی کو مخصوص نشستیں دینے کا فیصلہ کالعدم
