نئی دہلی:کانگریس کے ترجمان پون کھیرا نے مودی کو آئینہ دکھا دیا، کہتے ہیں جو بھی سوال پوچھیں تو کہا جاتا ہے پاکستان کی زبان میں بات کر رہے ہیں، سیز فائر تو زور شور سے کردیا لیکن ہم سوال پوچھتے ہیں کہ ریلیوں کا پریم چوپڑا ٹرمپ کے آگے کیوں روپڑا؟
کانگریس ترجمان نے مودی کو آڑے ہاتھوں لے لیااور کہا سوال پوچھو تو کہتے ہو پاکستان کی زبان بول رہے ہو، سیز فائر کا ڈھونگ رچایا لیکن ٹرمپ کے سامنے چہرے کا رنگ کیوں اتر گیا؟
نریندر مودی کی خارجہ پالیسیوں اور داخلی بیانیے پر کانگریس کے ترجمان پون کھیرا نے شدید تنقید کی ہے۔
پریس کانفرنس کے دوران پون کھیرا نے طنز کے نشتر چلاتے ہوئے کہاکہ جب ہم سوال پوچھتے ہیں تو کہا جاتا ہے کہ پاکستان کی بھاشا بول رہے ہیں لیکن ہم پوچھتے ہیں کہ ریلیوں میں للکارنے والا پریم چوپڑا ٹرمپ کے سامنے کیوں روپڑا؟
یہ بھی پڑھیں: ٹرمپ نے اشارہ کیا، نریندر سرینڈر، مودی نے جی حضور کہہ کر تعمیل کردی، راہول گاندھی
کانگریس پارٹی کے ترجمان پون کھیرا نے مودی حکومت کے حالیہ سیز فائر فیصلے کو بھی شدید تنقید کا نشانہ بنایا اور کہا کہ سیز فائر تو زور شور سے کر لیا گیا، لیکن اس کے بعد عوام کے حقیقی سوالات سے نظریں کیوں چرائی جا رہی ہیں؟
انہوں نے کہا کہ مودی حکومت ہر سوال کو ”ملک دشمنی“ کا نام دیتی ہے، جبکہ اصل ملک دشمنی عوامی مسائل سے منہ موڑنا ہے۔
ان کا کہنا تھا کہ موجودہ حکمرانوں نے جمہوریت کا گلا گھونٹ کر اسے ہندو راشٹرا بنانے کی کوشش کی ہےمگر بھارت کے عوام اب جاگ چکے ہیں۔
پون کھیرا کے ان بیانات نے بھارت کے سیاسی ماحول میں ایک نئی بحث چھیڑ دی ہےاور سوشل میڈیا پر بھی ان کا یہ جملہ ”ریلیوں کا پریم چوپڑا ٹرمپ کے آگے کیوں روپڑا؟“ وائرل ہو چکا ہے۔
تجزیہ نگاروں کا کہنا ہے کہ یہ جملہ مودی کی بین الاقوامی کمزوری اور داخلی تضاد کی نشاندہی کرتا ہے۔
یہ بھی پڑھیں: کینیڈا میں جی-7 سمٹ: نریندر مودی کوتاحال باضابطہ دعوت موصول نہیں ہوئی
