ریاست سے ٹکرائو کی پالیسی، عوامی ایکشن کمیٹی اپنے دائرہ اختیار سے بہت آگے نکل چکی، راجہ آفتاب ایڈووکیٹ

مظفرآباد (کشمیر ڈیجیٹل)آزادکشمیر میں جوڈیشری کے شفاف سسٹم کیساتھ کھلواڑ کیا جارہا ہے،چیف جسٹس آزادکشمیر یکم جون سے ریٹائر ہورہے ہیں ،عدالت العالیہ میں نئے چیف جسٹس کا تقرر مستقل بنیادوں پر ہونا چاہیے۔ان خیالات کااظہار راجہ آفتاب ایڈووکیٹ نے کشمیر ڈیجیٹل کے پروگرام میں صائمہ اشرف سے گفتگو کرتے ہوئے کیا۔

راجہ آفتاب ایڈوکیٹ کیاکہنا تھا کہ ریاست کے اوپر ریاست قائم نہیں ہو سکتی، عوامی ایکشن کمیٹی اپنے دائرہ اختیار سے بہت آگے نکل چکی ہے اس کو عوامی مسائل کی حد تک رہنا چاہیے، جب آپ ریاست کے ساتھ ٹکرنے کی کوشش کرتے ہیں تو حالات خراب ہوتے ہیں کیونکہ ریاست بہت مضبوط ہوتی ہے

راجہ آفتاب ایڈووکیٹ کا کہنا تھا کہ آزاد کشمیر میں چیئرمین سروس ٹربیونل کی تقرری کا اختیار حکومت آزاد کشمیر کے پاس ہوتا ہے، حکومت کو اس عہدے پر تعیناتی کر دینی چاہیے تھی، کیونکہ سروس ٹربیونل میں بہت سارے کیسز اس وقت التواء ہیں!

مہاجرین ممبران اسمبلی مہاجرین کے ہی مسائل سے نابلد ،اسمبلی نشستوں کا حامی نہیں، راجہ آفتاب ایڈووکیٹ

راجہ آفتاب نے کشمیر ڈیجیٹل سے گفتگو کرتے ہوئے کہا کہ مہاجرین کے اسمبلی انتخاب کے طریقہ کار کیخلاف ہوں لیکن نمائندگی کے خلاف نہیں ہوں۔

آزادکشمیراسمبلی میں مہاجرین کی نمائندگی بہر صورت ہونی چاہیے،اس کا طریقہ کار مختلف ہونا چاہیے جیسے خواتین ،علماء ومشائخ اور ٹیکنوکریٹس کو خصوصی نشستیں دی جاتی ہیں اس طرز پر مہاجرین کو بھی اکاوموڈیٹ کیا جائے لیکن جو مہاجرین کی نشستیں ہیں وہ مناسب نہیں ہیں۔

جو مہاجرین کی نمائندگی کرتے ہیں ان کی ذمہ داری ہے کہ وہ کیمپوں میں مقیم مہاجرین کے مسائل کو دیکھیں لیکن بدقسمتی سے اسمبلی میں مہاجرین کی سیٹوں پر منتخب ہوکر آنیوالے ممبران اپنے اقتدار کیلئے حد سے گزرجاتے ہیں مگر مہاجرین جموں وکشمیر کے مسائل سے نابلد ہیں

مہاجرین کے کیمپوں میں ان کے مسائل جاننے کیلئے بھی ان میں سے آج تک کوئی نمائندہ نہیں گیا۔ 1980 کی دہائی میں ہجرت کرکے آزادکشمیر آنیوالے مہاجرین کو اسمبلی میں نمائندگی ملنی چاہیے نہ کہ ان کو جو دہائیوں سے پاکستان میں مقیم ہیں انہیں تو پاکستان کے اندر بھی تمام شہری سہولیات میسر ہیں ۔

انوارالحق سرکار کا آزادکشمیر بجٹ میں 71ارب روپے کے خسارے کے جھوٹے دعوے کا پول کھل گیا

Must Read