سرینگر:بھارتی فوج میں شامل کشمیری نوجوان نے قابض فوجیوں کی طرف سے مقبوضہ کشمیر میں رچائے جانے والے فالس فلیگ آپریشنوں میںبے گناہ لوگوں اور جعلی مقابلوں میں کشمیر ی نوجوانوں کے قتل کا پول کھول دیا ۔
کشمیر میڈیاسروس کے مطابق بھارتی فوجی کی 29راشٹر یہ رائفلز (آر آر) سے وابستہ کشمیری نوجوان عارف مشتاق کی ایک ویڈیو سوشل میڈیا پر وائرل ہوئی ہے۔
عارف مشتاق کا کہنا تھا کہ میں آج انتہائی دکھی دل کیساتھ موبائل فون کا سہارا لے کرپوری کشمیری قوم اور دنیا کو بھارتی فوج کا اصل چہرہ دکھانا چاہتا ہوں۔میں ابھی بھی خاموش رہتا لیکن ابھی جو پہلگام کا واقعہ ہوا اور جس میں 28بے گناہ لوگ مارے گئے اس نے مجھے حقیقت بیان کرنے پر مجبور کیا۔
اس واقعے کے پیچھے بھارتی سرکار، آئی بی ، رااور بھارتی فوج کا ہاتھ ہے ، میر ا ضمیر اب اجازت نہیں دے رہا کہ میں مزید خاموش رہوں، میں گزشتہ آٹھ برس سے فوج میں ہوں اور پچھے تین برس سے میری ڈیوٹی کشمیر میں ہے،
نوجوان کا کہنا تھا کہ ان تین سالوں نے میری آنکھیں کھول دی ہیں ،یہاں کیا ہو رہا ہے ، کیسے بیگناہوں کو مارا جا رہا ہے۔میں تمام کشمیری نوجوانوں کو بتانا چاہتاہوں کہ بھارتی فوج آپ لوگوں کو اغوا کر کے پھرجعلی مقابلوں میں مار دیتی ہے ، میں ہر ایک چیز سے واقف ہوں ۔
نوجوان کامزید کہتا تھا کہ اگر میں جھوٹ بول رہا ہوں تو میرا کمانڈنگ افسر(سی او)سمیتاب بنر جی ہاتھ میں گیتا رکھ کر کہے کہ میری بات غلط ہے یا پھر میں قرآن پاک ہاتھ میں قسم کھا لوں گا۔
عارف مشتاق کاکہنا تھا کہ میں اپنے بھائی کو بھی بتانا چاہتا ہوں کہ وہ بھارتی فوج چھوڑ دے اور اپنے ماں باپ کو بتانا چاہتا ہوں کہ انہوںنے مجھے بھارتی فوج میں بھیج کر غلطی کی ہے۔
یہ بھی پڑھیں: پہلگام فالس فلیگ ،بھارت نے اندرونی مسائل سے توجہ ہٹانے کیلئے پاکستان پرالزام لگادیا : ترجمان پاک فوج
