مظفر آباد: امریکی نشریاتی ادارے سی این این کے سینئر بین الاقوامی سفارتی ایڈیٹر نک رابرٹسن نے لائن آف کنٹرول (ایل او سی) کے قریب واقع سرجیوار گائوں کا دورہ کیا۔
نک رابرٹسن نے بھارتی فوج کے ہاتھوں جعلی مقابلے میں شہید ہونے والے دو شہریوں محمد فاروق اور محمد دین کے اہلخانہ اور عینی شاہدین سے ملاقات کی۔
شہدا کے لواحقین نے سی این این کو انٹرویو میں دل دہلا دینے والے انکشافات کئے،اس کے علاوہ سی این این کے ایڈیٹر نک رابرٹسن نے عینی شاہدین سے بھی انٹرویو لئے۔سی این این کی ٹیم کو بھارتی فوج کے ظلم کے بارے میں بتایا گیا۔
بھارتی فوج نے 24 اپریل کو آزاد کشمیر کے محمد فاروق اور محمد دین کو جعلی مقابلے میں شہید کیا،محمد فاروق اور محمد دین کے سوگواران کی بین الاقوامی میڈیا کے ذریعے انصاف کی اپیل بھی کی۔
عینی شاہدین نے سی این این کو بتایا کہ بھارتی فوج نے بے گناہ شہریوں کو نشانہ بنایا اور بعد ازاں اسے دہشت گردی کا رنگ دینے کی کوشش کی۔
دفاعی ماہرین کا کہنا ہے کہ بھارتی فوج کے فیک انکاونٹرز بین الاقوامی سطح کا مسئلہ بن چکا ہے۔ سی این این ٹیم کو بھارتی فورسز کے ظلم اور انسانی حقوق کی سنگین خلاف ورزیوں کے شواہد بھی فراہم کیے گئے۔
شہدا کے اہلخانہ نے بین الاقوامی میڈیا کے ذریعے انصاف کی اپیل کرتے ہوئے کہا کہ بھارت کی جانب سے فالس فلیگ آپریشنز کا سلسلہ رکنا چاہیے اور عالمی برادری کو نوٹس لینا چاہیے۔
یہ بھی پڑھیں: پہلگام فالس فلیگ،معروف بھارتی صحافی ارچنا تیواری نے مودی پروپیگنڈے کا پول کھول دیا
