راولپنڈی (کشمیر ڈیجیٹل )لائن آف کنٹرول پر پاک فوج کا بھارت کو منہ توڑ جواب جاری،سکیورٹی ذرائع کے مطابق پاک فوج نے لائن آف کنٹرول پر ایک ہی روز میں بھارتی فوج کے 2 کواڈ کواپٹر مار گرائے۔
سکیورٹی ذرائع کے مطابق پاک فوج نے لائن آف کنٹرول کے ستوال سیکٹر پر بھارتی فوج کا دوسرا کواڈ کاپٹر مار گرایا ہے۔ذرائع نے بتایا کہ بھارتی فوج کا کواڈ کاپٹر پاکستانی علاقے میں جاسوسی کررہا تھا، مار گرایا جانے والا کواڈ کاپٹر Phantom-4 ہے۔
اس سے قبل آج دن کوپاک فوج نے بھارتی 5 آسام رجمنٹ کا ایک کواڈ کا پٹر بھمبر کےعلاقے مناور سیکٹر میں مار گرایا تھا۔
دفاعی ماہرین کا کہنا ہے کہ بھارتی فوج کی جانب سے غیر ذمہ دارانہ ایکشنز حالات میں مزید کشیدگی کا باعث بن رہے ہیں۔
دفاعی ماہرین کے مطابق یہ واقعہ پاک فوج کی پیشہ ورانہ مہارت، دفاعی تیاری اور چوکسی کا منہ بولتا ثبوت ہے۔ دشمن کی طرف سے اس طرح کی حرکتیں خطے کے امن کو سبوتاژ کرنے کی دانستہ کوششیں ہیں۔دفاعی ماہرین نے کہاکہ پاک فوج ہر قسم کی جارحیت کا منہ توڑ اور مؤثر جواب دینے کے لیے ہمہ وقت تیار ہے۔
بھارت پاکستان میں دہشتگردی میں ملوث، جہلم بس اسٹینڈ سے بھارتی تربیت یافتہ دہشتگرد کو گرفتارکیا،ڈی ی جی آئی ایس پی آر
