سرینگر(کشمیر ڈیجیٹل) غیرقانونی طورپر بھارت کے زیر قبضہ جموں وکشمیرمیں ضلع اسلام آباد کے سیاحتی مقام پہلگام میں نامعلوم مسلح افراد کے ایک حملے میں 27 سیاحوں کی ہلاکت کا خدشہ ہے جبکہ کم از کم 20 افراد زخمی ہوگئے ہیں۔
کشمیرمیڈیاسروس کے مطابق حکام نے بتایاکہ پہلگام کے علاقے بیسرن میں فائرنگ سے کم از کم 27سیاح جان کی بازی ہار گئے جبکہ 20 افراد کے زخمی ہونے کی اطلاعات ہیں۔ حکام نے بتایاکہ نامعلوم مسلح افرادنے منگل کو پہلگام کے ایک اہم سیاحتی مقام پر حملہ کیا جس میں متعدد افراد ہلاک اور کم از کم 20 زخمی ہوگئے
۔وزیر اعلی عمر عبداللہ نے کہا کہ مرنے والوں کی تعداد کا پتہ لگایا جا رہا ہے۔ یہ حملہ ایسے وقت میں ہوا جب امریکی نائب صدر جے ڈی وینس بھارت کے چار روزہ دورے پر ہیں۔ حکام نے زخمیوں کو نکالنے کے لیے ہیلی کاپٹر کا استعمال کیا۔
حکام نے بتایا کہ کچھ زخمیوں کو مقامی لوگوں نے ہسپتال پہنچایا۔پولیس کے ایک سینئر افسر نے بتایا کہ تھوڑی دیر پہلے فوج، سی آر پی ایف اور مقامی پولیس بیسرن پہنچی ہے۔انہوں نے کہا کہ حملہ آوروں کو تلاش کے لیے بڑے پیمانے پر فوجی آپریشن شروع کیا گیا ہے۔
واضح رہے 2000ء میں اس وقت کے امریکی صدر بل کلنکٹن کے دورہ بھارت کے موقع پر تحریک آزادی کشمیر کو بدنام کرنے کے لئے بھارتی ایجنسیوں نے چھٹی سنگھ پورہ میں سکھوں کا قتل عام کیا تھا جس میں درجنوں سکھ مارے گئے تھے۔
پی ڈبلیو ڈی ورکریونین کا ریاست بھر میں احتجاجی تحریک چلانے کا اعلان
