آزاد جموں و کشمیر پبلک سروس کمیشن کا اسسٹنٹ اکاؤنٹس آفیسر کے امتحان کا اعلان

تازہ ترین, کشمیر ڈیجیٹل / / By

مظفرآباد میں آزاد جموں و کشمیر پبلک سروس کمیشن نے اشتہار نمبر 2/2017 کے تحت محکمہ خوراک میں اسسٹنٹ اکاؤنٹس آفیسر کی آسامی کے لیے 19 اکتوبر کو باقاعدہ امتحان مقرر کر دیا ہے۔پبلک سروس کمیشن آزاد جموں و کشمیر نے اسسٹنٹ اکاؤنٹس آفیسر کی آسامی پر 2 اکتوبر کو بھی امتحان منعقد کرنے کا فیصلہ کیا ہے، جبکہ عدالت نے فی الوقت محض امتحان کی حد تک ہی اجازت دی ہے۔

عدالتی حکمِ امتناعی، منسوخی اور قانونی پیش رفت:

اس سے قبل پبلک سروس کمیشن نے اسسٹنٹ اکاؤنٹس آفیسر کی آسامی کے لیے یکم اکتوبر 2026 کو امتحان منعقد کرنے کا شیڈول جاری کر رکھا تھا، مگر عدالتی حکمِ امتناعی کے باعث یہ شیڈول منسوخ کرنا پڑا تھا۔ بعد ازاں پبلک سروس کمیشن کی لیگل ٹیم اور ایک امیدوار احمد آزاد کی جانب سے عدالتِ عالیہ میں رجوع کر کے اپنا موقف پیش کرنے کا موقع حاصل کیا گیا۔

عدالتِ عالیہ نے اپنا فیصلہ سناتے ہوئے امتحان کے انعقاد کی حد تک تو اجازت دے دی ہے، تاہم نتائج، انٹرویوز اور حتمی سلیکشن کا تمام تر عمل تاحکمِ ثانی روک دیا ہے۔

یہ بھی پڑھیں: ہائی کورٹ میں اہم کیسز کی سماعت بینچ مکمل نہ ہونے کے باعث ملتوی

کئی برسوں کا التوا اور موجودہ صورتحال:

یاد رہے کہ اسسٹنٹ اکاؤنٹس آفیسر کی یہ مخصوص آسامی کئی برسوں سے ایڈہاک بنیادوں پر پر کی گئی ہے اور پبلک سروس کمیشن اس پر پی ایس سی امتحان کروانا چاہتی ہے، مگر عدالتی احکامات کے باعث یہ عمل مسلسل التوا کا شکار رہا۔

اب پبلک سروس کمیشن کی قانونی پیش رفت کے بعد عدالت نے اس آسامی پر امتحان کے انعقاد کا واضح حکم صادر کر دیا ہے۔

Must Read