ایشین گیمز کے اسکواش ایونٹ کے مکسڈ ڈبلز مقابلوں میں پاکستان کے عاصم خان اور مہوش علی نے شاندار کارکردگی کا مظاہرہ کرتے ہوئے کوارٹر فائنل میں رسائی حاصل کر لی ہے۔
مکسڈ ڈبلز کے راؤنڈ آف 16 کے اس اہم میچ میں عاصم خان اور مہوش علی کی پاکستانی ٹیم نے جاپانی جوڑی کو شکست دی۔ قومی کھلاڑیوں نے حریف جاپانی کھلاڑیوں ناوکی ہیاشی اور ایریسا سانو کے خلاف دو کے مقابلے میں ایک گیم سے کامیابی حاصل کی۔
یہ بھی پڑھیں: ایشین گیمز میں پاکستان کبڈی اور ہاکی ٹیم کی شاندار کامیابی
عاصم خان اور مہوش علی کی اس شاندار کامیابی کا سیٹ اور پوائنٹس کا اسکور گیارہ آٹھ، گیارہ دس اور گیارہ چار رہا، جس میں قومی کھلاڑیوں نے بہترین کھیل کا مظاہرہ کیا۔
اس کے علاوہ ایشین گیمز کے مکسڈ ڈبلز کے ایک اور میچ میں پاکستان کے دوسرے پیئر یعنی ناصر اقبال اور سحرش علی کی ٹیم کو راؤنڈ آف 16 کے مرحلے میں شکست کا سامنا کرنا پڑا۔
