کوہاٹ پولیس لائنز مسجد دھماکے میں ملوث تمام خوارج کو سکیورٹی فورسز نے ایک کامیاب آپریشن کے بعد ہلاک کر دیا ہے۔ سکیورٹی ذرائع کے مطابق کوہاٹ پولیس لائنز میں سکیورٹی فورسز کا آپریشن مکمل ہو چکا ہے، جس کے دوران مجموعی طور پر 7 خوارج کو جہنم واصل کیا گیا ہے۔
آپریشن کی براہ راست نگرانی اور کلیئرنس کا عمل:
سکیورٹی ذرائع کا بتانا ہے کہ اس آپریشن کی براہ راست نگرانی جنرل آفیسر کمانڈنگ (GOC) کوہاٹ نے کی۔ آپریشن میں پاک فوج کے غازی کمانڈوز، جوانوں اور بم ڈسپوزل اسکواڈ نے بھرپور حصہ لیا اور علاقے کو مکمل طور پر کلیئر کرنے کے بعد اسے دوبارہ پولیس کے حوالے کر دیا۔
یہ بھی پڑھیں: کوہاٹ خودکش دھماکہ ، افواجِ پاکستان کے دستے فوری طور پر جائے وقوعہ پر پہنچ گئے
زخمی اہلکار کی شہادت:
دوسری جانب کوہاٹ پولیس لائنز دھماکے میں زخمی ہونے والا ایک اور پولیس اہلکار دورانِ علاج جاں بحق ہو گیا ہے، جس کے بعد اس المناک واقعے میں شہید ہونے والے اہلکاروں اور افراد کی مجموعی تعداد بڑھ کر 22 ہو گئی ہے۔
