کیپ ٹاؤن(کشمیر ڈیجیٹل) جنوبی افریقا کے فیفا ورلڈکپ 2026 میں نمایاں کردار ادا کرنے ولے نوجوان فٹبالر جیڈن ایڈمز 25 برس کی عمر میں انتقال کر گئے۔
جنوبی افریقی کلب میملوڈی سن ڈاؤنز کے مڈفیلڈر جیڈن ایڈمز نے چند ہفتے قبل ہی فیفا ورلڈ کپ 2026 میں قومی ٹیم کی نمائندگی کرتے ہوئے اپنے بین الاقوامی کیریئر کا سب سے بڑا سنگِ میل عبور کیا تھا۔
غیر ملکی میڈیا کے مطابق جیڈن ایڈمز نے ورلڈ کپ 2026 میں جنوبی افریقا کی تاریخی مہم میں اہم کردار ادا کیا اور گروپ مرحلے کے تمام میچز کھیلے۔
مزید یہ بھی پڑھیں:گوادرپورٹ عالمی جہاز رانی کا نیا مرکز،انٹرنیشنل بحری جہازوں کی ری فیولنگ شروع
جنوبی افریقی ٹیم پہلی مرتبہ فیفا ورلڈ کپ کے ناک آؤٹ مرحلے تک رسائی حاصل کرنے میں کامیاب ہوئی تھی۔
میک کینزی نے کہا، ”جیڈن کے انتقال کی وجہ کی ابھی تک تصدیق نہیں ہو سکی ہے۔ میں میڈیا کے نمائندوں اور عوام سے اپیل کرتا ہوں کہ وہ صبر و تحمل اور ہمدردی کا مظاہرہ کریں، اور کسی بھی قسم کی قیاس آرائیوں سے گریز کریں۔“
ایڈمز نے جمہوریہ چیک کے خلاف جنوبی افریقہ کے گروپ اے کے پہلے میچ میں کھیل کا آغاز کیا تھا اور ہاف ٹائم (کھیل کے آدھے وقت) پر ان کی جگہ دوسرا کھلاڑی میدان میں لایا گیا تھا۔ میک کینزی نے بتایا کہ انہوں نے یہ میچ اپنی دادی کے انتقال کی خبر ملنے کے محض چند گھنٹے بعد کھیلا تھا۔
مزید یہ بھی پڑھیں:عمران خان اور جمائمہ خان کا تاریخی برطانوی محل فروخت کیلئے پیش
سوتھ افریقن فٹ بال پلیئرز یونین نے ایکس (ٹویٹر) پر پوسٹ کرتے ہوئے لکھا: ”موت نے بے رحمی سے ہمارے اپنے ایک ساتھی کو ہم سے چھین لیا ہے۔ اس نے ہماری قوم کو ایک شاندار فٹ بالر سے محروم کر دیا ۔
ہم ان کی عاجزی، ان کے غیر معمولی ٹیلنٹ اور اس فخر کو ہمیشہ یاد رکھیں گے جس کے ساتھ انہوں نے جنوبی افریقہ کی نمائندگی کی۔ جیڈن، ابدی امن کے ساتھ آرام کرو۔ تمہیں کبھی فراموش نہیں کیا جائے گا۔“
