قومی ٹیم کے سابق کپتان اور سوئنگ کے سلطان وسیم اکرم نے حج سے متعلق سوشل میڈیا پر چلنے والی قیاس آرائیوں پر وضاحت پیش کردی۔
وسیم اکرم نے اس سال قومی ٹیم کے سابق کپتان مصباح الحق اور ٹی وی پریزنٹر فخر عالم کے ہمراہ حج کی سعادت حاصل کی، اس حوالے سے ان کی تصاویر اور ویڈیوز بھی سوشل میڈیا پر سامنے آئی ہیں۔
مزید یہ بھی پڑھیں:مظفرآباد: لوئر چھتر روڈ پر دراڑ، زمین دھنسنے لگی، بڑے حادثے کا خطرہ
اب سوشل میڈیا جاری بیان میں وسیم اکرم نے لکھا الحمدللہ! اللہ تعالیٰ کا لاکھ لاکھ شکر ہے کہ اس نے مجھے حجِ بیت اللہ کی سعادت سے نوازا۔
الحمدللہ! اللہ تعالیٰ کا لاکھ لاکھ شکر ہے کہ اس نے مجھے حجِ بیت اللہ کی سعادت سے نوازا۔
بہت سے لوگوں نے قیاس و گمان کیا کہ یہ سفر کس نے کروایا اور کیسے ہوا، مگر حقیقت یہ ہے کہ یہ میرا خالصانہ ذاتی فیصلہ تھا۔
میں نے اپنے دل میں ایک روحانی منزل پائی تھی جہاں حج فرض ادا کرنا ضروری… pic.twitter.com/u86vsfnZz2— Wasim Akram (@wasimakramlive) May 29, 2026
قومی ٹیم کے سابق کپتان نے مزید لکھا کہ بہت سے لوگوں نے قیاس و گمان کیا کہ یہ سفر کس نے کروایا اور کیسے ہوا، مگر حقیقت یہ ہے کہ یہ خالصتاً میرا ذاتی فیصلہ تھا، میں نے اپنے دل میں ایک روحانی منزل پائی تھی جہاں حج فرض ادا کرنا ضروری ہوگیا۔
مزید یہ بھی پڑھیں:راولاکوٹ:برگر،سینڈوچ کھانے والے پانچ شہری ہسپتال پہنچ گئے ،بیکری سیل
وسیم اکرم نے کہا کہ اس مقدس سفر نے میری روح میں ایک ایسی الٰہی چنگاری روشن کردی ہے جو ہمیشہ جلتی رہے گی، دعا ہے کہ میرے جیسے بہت سے بھائی اور بہنیں بھی اس روحانی سفر کا حوصلہ کریں، حج کی سعادت حاصل کریں اور اسی لُطفِ الٰہی سے سرشار ہوں۔
