پنجاب بھر کے سرکاری و نجی تعلیمی اداروں کے لیے بڑی خبر آگئی ہے۔ محکمہ اسکول ایجوکیشن نے صوبے بھر کے اسکولوں میں جمعہ کے روز ہفتہ وار چھٹی کا باقاعدہ اعلان کر دیا ہے، جس کے بعد اب تعلیمی ادارے ہفتے میں صرف 4 روز کھلیں گے۔
محکمہ اسکول ایجوکیشن کی جانب سے جاری کردہ نوٹیفکیشن کے مطابق، نئے تعلیمی شیڈول کے تحت اسکولوں کے اوقات کار میں بھی تبدیلی کر دی گئی ہے۔ اب اسکول صبح 8 بجے کھلیں گے اور دوپہر ڈیڑھ بجے چھٹی ہوا کرے گی۔
یہ بھی پڑھیں: سکولوں کی اپ گریڈیشن اور نئے اداروں کا قیام: وزیراعظم آزاد کشمیر کی زیر صدارت اجلاس میں بڑے فیصلے
سیکنڈ شفٹ کے اوقات کار:
نوٹیفکیشن میں سیکنڈ شفٹ (دوسری شفٹ) میں لگنے والے اسکولوں کے لیے بھی نئے وقت کا تعین کیا گیا ہے۔ سیکنڈ شفٹ کے اسکول دوپہر 1 بجے سے شام ساڑھے 5 بجے تک لگا کریں گے۔
انتظامیہ کا کہنا ہے کہ نئے اوقات کار اور ہفتہ وار تعطیلات کے فیصلے کا اطلاق فوری طور پر صوبے کے تمام سرکاری اور نجی اسکولوں پر ہوگا۔ اس فیصلے کا مقصد تعلیمی نظام میں بہتری اور طلبہ و اساتذہ کو درپیش حالیہ چیلنجز کے پیشِ نظر سہولت فراہم کرنا ہے۔ تمام تعلیمی اداروں کو ہدایت کی گئی ہے کہ وہ نئے شیڈول پر سختی سے عملدرآمد یقینی بنائیں۔
