لائن آف کنٹرول پر تعینات پاک فوج کے جوانوں کا عیدالفطر کے موقع پر قوم کے نام خصوصی پیغام

تازہ ترین, ٹیکنالوجی, کشمیر ڈیجیٹل / / By

پاک فوج کے جوانوں نے عیدالفطر کے پرمسرت موقع پر لائن آف کنٹرول (ایل او سی) کے اگلے محاذوں سے قوم کے نام ایک خصوصی پیغام جاری کر دیا ہے۔

سخت موسمی حالات اور برف پوش پہاڑوں پر اپنے فرائض انجام دینے والے ان بہادر جوانوں نے ملک بھر کے عوام کو عید کی مبارکباد دی ہے۔ ایل او سی پر تعینات پاک فوج کے جوانوں نے اپنے پیغام میں اس عزم کا اعادہ کیا ہے کہ وطن عزیز کا دفاع ان کی اولین ترجیح ہے اور وہ ہر وقت چوکنا اور مستعد ہیں تاکہ پوری قوم پرامن اور محفوظ ماحول میں عید کی خوشیاں منا سکے۔

یہ بھی پڑھیں: فیلڈ مارشل عاصم منیرکا کرم کادورہ،عیدالفطر فوجی جوانوں کے ساتھ منائی

پاک فوج کے جوانوں نے اپنے پیغام میں یہ بات بھی واضح کی ہے کہ وہ کسی بھی قسم کی جارحیت کا بھرپور جواب دینے کے لیے ہمہ وقت تیار ہیں۔ ان کا کہنا تھا کہ اگرچہ وہ اس خوشی کے موقع پر اپنے اہلِ خانہ سے دور سرحدوں پر موجود ہیں، مگر ملک کی سلامتی اور عوام کی خوشی ہی ان کے لیے سب سے بڑی عید کا تحفہ ہے۔ جوانوں نے مزید کہا کہ قوم کا اعتماد اور بے پناہ محبت ان کے حوصلوں کو مزید بلند کرتی ہے، یہی وجہ ہے کہ جہاں پورا ملک جشن میں مصروف ہے، وہیں یہ محافظ سرحدوں پر وطن کے دفاع کے لیے سیسہ پلائی ہوئی دیوار بنے کھڑے ہیں۔

Must Read

Scroll to Top