واشنگٹن :امریکی وزیر خارجہ مارکو روبیو نے کہا ہے کہ غزہ میں اس وقت جنگ بندی کے حوالے سے 90 فیصد معاملات طے پا چکے ہیں ۔
انہوں نے کہا کہ غزہ میں جنگ ابھی ختم نہیں ہوئی اور مزید اقدامات کی ضرورت ہے ۔
ان کے مطابق اسرائیل اور حماس کے درمیان معاہدے پر بات چیت جاری ہے اور اُمید ہے کہ اس کی تفصیلات جلد حتمی ہو جائیں گی ۔
انہوں نے بتایا کہ حماس نے جنگ کے بعد کے اقدامات پر اصولی سطح پر اتفاق کر لیا ہے، تاہم اسلحے کی واپسی اور حماس کی تحلیل جیسے مرحلے مشکل ہوں گے ۔
مزید یہ بھی پڑھیں:اسرائیل نے غزہ میں جنگ بندی لائن پر حامی بھر لی : ڈونلڈ ٹرمپ
ان کا کہنا تھا کہ غزہ میں ایسی حکومت قائم نہیں کی جا سکتی جو صرف چند دنوں میں بن جائے اور جلد ہی معلوم ہو جائے گا کہ حماس واقعی سنجیدہ ہے یا نہیں ۔
انہوں نے مزید کہا کہ یرغمالیوں کی رہائی کے معاملے میں اب سب سے قریب ہیں، لیکن یہ معاملہ ہفتوں یا دنوں تک نہیں چل سکتا ۔
مارکو روبیو کے مطابق اس وقت 90 فیصد معاملات طے پا چکے ہیں اور امید ہے کہ معاہدہ اس ہفتے کے آغاز تک مکمل ہو جائے گا، تاہم 100 فیصد یقین دہانی ممکن نہیں ۔
مزید یہ بھی پڑھیں:حماس کا مثبت جواب، اسرائیل غزہ پر حملے فوری روکے، ڈونلڈٹرمپ
مارکو روبیو نے زور دیا کہ جب تک فضائی حملے جاری رہیں گے، یرغمالیوں کو رہا نہیں کیا جا سکتا، اس لیے بمباری روکنا لازمی ہے ۔
