مقامی تاجروں کا کہنا ہے کہ عوامی ایکشن کمیٹی نے واٹس ایپ گروپس کے ذریعے اُن تاجروں کو دھمکی آمیز پیغامات بھیجنے شروع کر دیے ہیں جو دکانیں کھول کر کاروبار جاری رکھنا چاہتے ہیں۔ تاجروں کے مطابق دھمکیوں میں انہیں زور دیا جا رہا ہے کہ وہ کمیٹی کے ساتھ شامل ہوں ورنہ ان کے خلاف کارروائی کی دھمکیاں دی جا رہی ہیں۔
تاجروں کا کہنا ہے کہ “ان کی ہڑتال کی کال فلاپ ہو رہی ہے”، اس لیے کمیٹی اب تاجروں کو ملاکر اپنا موقف مضبوط کرنے کی کوشش کر رہی ہے۔
اہلِ بازار کا کہنا ہے کہ دکانیں بند رکھنے یا کھولنے کا فیصلہ خالی ذاتی کاروباری مفاد نہیں بلکہ عوامی سہولت اور روزگار سے بھی جڑا ہوا ہے، اس لیے کسی بھی دھمکی یا دباؤ سے نمٹنے کے لیے مل کر جامع حل درکار ہے۔
مقامی لوگوں کا کہنا ہے کہ تنازعات کو پُرامن انداز میں حل کرنے کے لیے فریقین مذاکرات کی میز پر آئیں اور کسی بھی طرح کے اشتعال انگیز پیغامات کے خلاف فوری طور پر شواہد اکٹھے کر کے قانونی چارہ جوئی کی جائے۔
