یواے ای (کشمیر ڈیجیٹل)پاکستان کرکٹ ٹیم آج بروز جمعہ دبئی میں عمان کے خلاف اپنا افتتاحی میچ کھیلتے ہوئے ایشیا کپ ٹی ٹوئنٹی ٹورنامنٹ کا آغاز کرے گی۔
ریڈیو پاکستان کے مطابق ٹورنامنٹ کا آغاز منگل کو ہوا، جہاں افغانستان نے ہانگ کانگ کو 94 رنز سے شکست دی۔ بدھ کو بھارت نے میزبان متحدہ عرب امارات کو 9 وکٹوں سے ہرایا، جبکہ جمعرات کو ابو ظہبی میں بنگلہ دیش نے ہانگ کانگ کو 7 وکٹوں سے مات دی۔
چوتھے میچ میں آج پاکستان اور عمان دبئی کے میدان میں آمنے سامنے ہوں گے۔پاکستان ایشیا کپ میں قدم رکھنے سے قبل سہ فریقی سیریز جیت چکا ہے
جس میں افغانستان اور یو اے ای شامل تھے۔پاکستانی کوچ مائیک ہیسن نے میچ سے قبل میڈیا سے گفتگو میں کہا کہ ہم دن بہ دن ٹیم کی کارکردگی بہتر بنانے پر توجہ دے رہے ہیں
گروپ کی تفصیلات
ٹورنامنٹ میں 8 ٹیمیں حصہ لے رہی ہیں۔
گروپ اے: پاکستان، بھارت، عمان اور متحدہ عرب امارات
گروپ بی: سری لنکا، افغانستان، ہانگ کانگ اور بنگلہ دیش
ہر گروپ سے 2،2 ٹیمیں سپر فور مرحلےکیلئے کوالیفائی کریں گی۔ سپر فور کی 2 بہترین ٹیمیں 28 ستمبر کو دبئی میں فائنل کھیلیں گی۔
مزید یہ بھی پڑھیں:البانیا اے آئی ورچوئل وزیرتعینات کرنیوالا دنیا کا پہلا ملک بن گیا
