پاکستان میں سب سے زیادہ فروخت ہونے والی موٹر سائیکل ہونڈا سی ڈی 70 (Honda CD 70) کا 2026 ماڈل آ گیا۔
تفصیلات کے مطابق نئے ماڈلز کی متوقع قیمتوں میں اسٹینڈرڈ ورژن کی قیمت تقریباً ایک لاکھ57ہزار900روپے اور اسپیشل ایڈیشن یعنی ہونڈاڈریم کی قیمت تقریباً ایک لاکھ62 ہزار500روپے ہوگی۔
مزید برآں ہونڈا نے اپنی کامیاب حکمتِ عملی کو برقرار رکھتے ہوئے کچھ مفید تبدیلیاں کی ہیں جو سفر کو آسان بنائیں گی۔
یہ بھی پڑھیں: اگست 2025 : ہونڈا 125 کے تمام ویرینٹس کی قیمتیں سامنے آ گئی
نئے ماڈل میں آرام دہ نئی سیٹ کا ڈیزائن، دلکش اور جدید اسٹیکر گرافکس، چمکدار کروم ایکزاسٹ اور سائیڈ کورز کے ساتھ پریمیم لک اور مزید بہتر فیول اکانومی کے لیے ہلکی انجن سیٹنگز وغیرہ شامل ہیں۔
ان خصوصیات کے ساتھ، ہونڈا سی ڈی 70 ایک بار پھر موٹر سائیکل سواروں کی اولین ترجیح بنی رہے گی۔
خاص طور پر ان افراد کے لیے جو روزمرہ کے سفر کے لیے ایندھن کی بچت اور کم خرچ دیکھتے ہیں۔
یہ بھی پڑھیں: ہونڈا 125 گولڈ خریدنے کے خواہشمند افراد کیلئے اہم خبرآگئی
اس بائیک کی مرمت کا خرچ بھی کم ہے، اس کے پرزے ہر شہر میں با آسانی دستیاب ہیںاور اس کی ری سیل ویلیو بھی مضبوط ہے جو کہ مارکیٹ میں اس کی مسلسل مقبولیت کی ایک بڑی وجہ ہے۔
یاد رہے کہ رپورٹس کے مطابق، ہونڈا اپنا 2026 ماڈل اگست یا ستمبر 2025 میں متعارف کروانے والا ہے، جیسا کہ وہ ہر سال اپنی روایت کے مطابق کرتا ہے۔
