اسلام آباد:ترکیہ کے وزیر خارجہ ہاکان فیدان اپنے سرکاری دورے پر اسلام آباد پہنچ گئے ہیں۔
وزارت خارجہ کے ترجمان کے مطابق ایئرپورٹ پر ایڈیشنل سیکرٹری وزارت خارجہ سید علی گیلانی نے ترکیہ وزیر خارجہ کا استقبال کیا۔
ترجمان دفتر خارجہ کے مطابق ہاکان فیدان کے دورے کا مقصد باہمی دلچسپی کے تمام اہم امور پر تبادلہ خیال کرنا ہے۔
ان امور میں اقتصادی، تجارتی، سکیورٹی اور دفاعی شعبے شامل ہیں، جو دونوں ممالک کے تعلقات میں مزید مضبوطی لانے کے لیے اہمیت رکھتے ہیں۔
یہ بھی پڑھیں: ترکیہ ہر فورم پر کشمیریوں کی حمایت جاری رکھے گا، ترک سفیرکااعلان
ترکیہ کے وزیر قومی دفاع یاشرگوولر بھی اسلام آباد پہنچ گئے ہیں۔ ایڈیشنل سیکرٹری وزارت خارجہ سید علی گیلانی نے ان کا بھی پرتپاک استقبال کیا۔
وزیر قومی دفاع کے دورے میں ترکیہ کے نائب وزیراعظم اسحاق ڈار کے ساتھ باضابطہ مذاکرات ہونے کا امکان ہے۔
ترجمان کے مطابق ترکیہ کے وزیر قومی دفاع یاشرگوولر پاکستان کے وزیراعظم شہباز شریف سے ون آن ون ملاقات کریں گے۔
اس ملاقات میں دونوں ممالک کے درمیان مختلف اہم معاملات پر تبادلہ خیال کیا جائے گا۔ ترک وفد کی دیگر اعلیٰ سول اور عسکری حکام سے ملاقاتیں بھی متوقع ہیں۔
