ایران کے سپریم لیڈر آیت اللہ علی خامنہ ای نے اسرائیلی حملوں کا جواب دیتے ہوئے کہا کہ اسرائیلی حملے میں کئی کمانڈر اور سائنسدان شہید ہوئے اسرائیل کو اس حملے کی سخت سزا دی جائے گی۔
ایرانی سپریم لیڈر نے ایکس پر ایک بیان جاری کرتے ہوئے کہا آج صبح صہیونی ریاست نے اپنے برے اور خونی ہاتھوں سے ہماری سرزمین پر ایک سنگین جرم کیا۔
دشمن نے رہائشی علاقوں کو نشانہ بنا کر اپنی اصلیت کو پہلے سے کہیں زیادہ بے نقاب کیا،انہوں نے کہا کہ ان حملوں میں کئی اہم کمانڈر اور سائنسدان شہید ہوئے ہیں۔
That [Zionist] regime should anticipate a severe punishment .By God’s grace, the powerful arm of the Islamic Republic’s Armed Forces won’t let them go unpunished.
— Khamenei.ir (@khamenei_ir) June 13, 2025
سپریم لیڈر نے کہا کہ اسرائیل کو سزا کے لیے تیار رہنا چاہیے ایران کی مسلح افواج دشمن کے اس حملے کا جواب دیں گی
ایرانی سپریم لیڈر نے شہداء کو خراج تحسین پیش کرتے ہوئے کہا کہ یہ قربانیاں رائیگاں نہیں جائیں گی۔
یہ خبر بھی پڑھیں :اسرائیل نے ایران پر فضائی حملہ کردیا، تہران میں دھماکے
دشمن کو اس بزدلانہ فعل کا مناسب جواب دیا جائے گا،واضح رہے کہ اسرائیل نے ایران کے خلاف باقاعدہ جنگ شروع کردی ہے، فضائی حملوں میں جوہری اور فوجی اہداف کو نشانہ بنایا گیا، جس میں پاسداران انقلاب کے سربراہ میجر جنرل حسین سلامی اور جوہری سائنسدان شہید ہوئے۔
