اسلام آباد :حکومت نے پہلگام فالس فلیگ آپریشن اور بھارتی جنگی جارحیت کے خلاف قومی اسمبلی میں قرارداد لانے کا فیصلہ کیا ہے۔
اس حوالے سے ذرائع کا کہنا ہے کہ متفقہ قرارداد آج شام ہونے والی قومی اسمبلی کے اجلاس میں لائی جائے گی۔ذرائع کے مطابق قومی اسمبلی اجلاس کے موقع پر اراکین اسمبلی اس اہم ترین معاملے پر اظہار خیال بھی کریں گے۔
اس کے علاوہ بھارتی جارحیت اور ریاستی سرحد پار دہشت گردی پر بھی کھل کر بات کی جائے گی،ساتھ ہی حکومت کی طرف سے قومی بیانیہ اور پالیسی بھی وضع کی جائیگی۔
ذرائع کا مزید کہنا ہے کہ اجلاس میں سندھ طاس معاہدے کی خلاف ورزی پر حکومت اپنی حکمت عملی سے آگاہ کرے گی، وزیراطلاعات اور ڈی جی آئی ایس پی آر نے موجودہ قومی سلامتی صورتحال پر بریفنگ دی تھی۔
