آزاد حکومت ریاست جموں وکشمیر کے سیکریٹریٹ ایلیمنٹری اینڈ سیکنڈری ایجوکیشن نے پی ای ٹی محکمہ ایجوکیشن کے ملازم مسٹر محمد پرویز خان کو بلااجازت سیکریٹریٹ آمد، عملے کو دھمکیاں دینے اور سرکاری کاغذات کو نقصان پہنچانے کے الزام میں فوری طور پر ملازمت سے معطل کر دیا ہے۔ سیکریٹری ایلیمنٹری اینڈ سیکنڈری ایجوکیشن نے قانون کے تحت اس معطلی کا حکم جاری کیا ہے۔
سرکاری حکم نامے کے مطابق محمد پرویز خان 4 نومبر 2026ء کو بغیر بتائے ادارے سے غیر حاضر رہے۔ اس کے علاوہ ان پر الزام ہے کہ انہوں نے سیکریٹریٹ میں بلا اجازت داخل ہو کر عملے کو دھمکیاں دیں، سرکاری خطوط و مراسلات کو پھاڑنے کی کوشش کی اور سرکاری کام میں رکاوٹ ڈالی۔ ان کی اس بدتمیزی اور قواعد کی خلاف ورزی پر یہ سخت کارروائی کی گئی ہے۔
یہ بھی پڑھیں: واٹس ایپ: صارفین کی سہولت کیلئے’میسج ٹیکسٹ ایکشنز’ فیچر متعارف
انکوائری آفیسر کی تعیناتیاس پورے معاملے کی شفاف تحقیقات کے لیے ڈسٹرکٹ ایجوکیشن آفیسر (مردانہ) ضلع مظفرآباد کو انکوائری آفیسر مقرر کر دیا گیا ہے۔
تعینات کیے گئے انکوائری آفیسر کو ہدایت کی گئی ہے کہ وہ مقررہ وقت کے اندر اپنی تحقیقی رپورٹ اعلیٰ حکام کو پیش کریں۔ اس کارروائی کے حوالے سے تمام متعلقہ افسران اور معطل شدہ ملازم کو بھی باقاعدہ مطلع کر دیا گیا ہے۔
