کولمبیا (کشمیر ڈیجیٹل) جنوب مغربی صوبے ناری میں غیرقانونی طور پر چلنے والی سونے کی کان منہدم ہونے کے نتیجے میں کم از کم 14 افراد ہلاک اور 7 زخمی ہوگئے۔
حادثہ سانتا باربرا دے اِسکواندے کے دیہی علاقے چیمبیرو میں پیش آیا۔ حکام کے مطابق کان کے پاس سرکاری اجازت نامہ موجود نہیں تھا۔ دشوار گزار جنگلاتی علاقے اور مسلح گروہوں کی موجودگی کے باعث امدادی کارروائیوں میں شدید مشکلات پیش آئیں۔
مزید یہ بھی پڑھیں:چیف سیکرٹری سے چیئرمین سرمایہ کاری بورڈ رضوان انور کی اہم ملاقات، روڈ میپ پرغور
بعد ازاں مقامی گورنر نے تلاش اور ریسکیو آپریشن مکمل کیے جانے کی تصدیق کی۔ یہ واقعہ چند ماہ کے دوران کان کے منہدم ہونے کا دوسرا بڑا حادثہ ہے۔
اگست میں اسی صوبے کے پولیکارپا علاقے میں ایک اور کان حادثے میں 13 افراد ہلاک ہوئے تھے۔
مزید یہ بھی پڑھیں:وزیراعظم افتخار گیلانی کا ڈی ایچ کیو ہسپتال باغ میں مبینہ طبی غفلت کے واقعے کا نوٹس
حکام نے چھوٹے پیمانے کی غیرقانونی کان کنی کو باقاعدہ نظام میں لانے اور حفاظتی معیار بہتر بنانے پر زور دیا ہے۔
کولمبیا میں غیرقانونی اور غیرمنظم سونے کی کان کنی ایک بڑا مسئلہ ہے۔ متعدد کانیں مناسب حفاظتی انتظامات اور سرکاری نگرانی کے بغیر چلتی ہیں، جس سے حادثات کا خطرہ بڑھ جاتا ہے۔
