قومی بچت (نیشنل سیونگز) کے ڈائریکٹوریٹ کے تحت 750 روپے مالیت کے پرائز بانڈز کی 102 ویں سہ ماہی قرعہ اندازی 15 اکتوبر 2026 کو راولپنڈی دفتر میں منعقد کی گئی ہے، جس کے بعد ہزاروں بانڈ ہولڈرز نتائج کے منتظر ہیں۔
حکومتی حکام اور عوام کی موجودگی میں شفاف ترین طریقے سے ڈرا کا عمل مکمل کیا گیا ہے۔ اسٹیٹ بینک آف پاکستان کے تحت چلائی جانے والی یہ بچت اسکیم سرمایہ کاروں کو مقررہ منافع کے بجائے نقد انعامات جیتنے کا شاندار موقع فراہم کرتی ہے۔
انعامی رقم اور کامیاب امیدواروں کی تعداد:
750 روپے مالیت کے پرائز بانڈ کے لیے پہلے، دوسرے اور تیسرے تمام انعامات کی رقم کا تفصیلی ڈھانچہ مقرر کیا گیا ہے۔ اسکیم کے تحت پہلا انعام 15,000,00 (15 لاکھ) روپے رکھا گیا ہے جو کسی ایک خوش نصیب کو ملے گا، جبکہ 5,00,000 (5 لاکھ) روپے کا دوسرا انعام 3 جیتنے والوں میں تقسیم کیا جائے گا، اسی طرح 9,300 روپے کا تیسرا انعام 1,696 کامیاب امیدواروں کو دیا جائے گا۔
یہ بھی پڑھیں: 200 روپے والے پرائز بانڈ نمبر 107 کی قرعه اندازی، فاتحین کی مکمل فہرست جاری
نتائج کی تصدیق اور رقم کے حصول کا طریقہ کار:
قرعہ اندازی کے عمل کا اختتام ہوتے ہی کامیاب امیدواروں اور لکی نمبرز کی مکمل فہرستیں شائع کی جا رہی ہیں۔ تمام پرائز بانڈ ہولڈرز اپنے نتائج کی تصدیق قومی بچت کے ویب پورٹل، قریبی سینٹرز یا متعلقہ بینک برانچز کے ذریعے کر سکتے ہیں۔
انعامی دعوے کی شرائط:
نیشنل سیونگز کے قواعد و ضوابط کے مطابق قرعہ اندازی میں جیتنے والے خوش نصیبوں کے لیے لازم ہے کہ وہ چھ ماہ کی مقررہ مدت کے اندر اپنا اصل پرائز بانڈ اور قومی شناختی کارڈ (CNIC) پیش کر کے اپنی انعامی رقم کا دعویٰ کریں۔ اسٹیٹ بینک کی زیرِ سرپرستی یہ سکیم محفوظ ترین اور مقبول ترین سرمایہ کاری تصور کی جاتی ہے۔
