وادی لیپہ کے مقامی شہریوں نے جوائنٹ عوامی ایکشن کمیٹی کی جانب سے گزشتہ چار ماہ سے دی جانے والی احتجاجی کالوں اور لانگ مارچ کی کالوں کی اصل حقیقت سے پردہ اٹھا دیا ہے۔
رپورٹ کے مطابق مقامی عوام کا کہنا ہے کہ ایکشن کمیٹی کی جانب سے مسلسل اعلانات کے باوجود خطے میں کوئی عملی پیشرفت اور لانگ مارچ ممکن نہیں ہو سکا ہے۔
سوشل میڈیا دعوے اور زمینی صورتحال کا موازنہ:
مقامی شہریوں نے معاملے کی اصل صورتحال بیان کرتے ہوئے کہا ہے کہ ایکشن کمیٹی پچھلے چار ماہ سے سوشل میڈیا کے مختلف پلیٹ فارمز پر مسلسل لانگ مارچ اور مکمل ہڑتال کرنے کی متعدد تاریخیں دیتی آ رہی ہے۔
یہ بھی پڑھیں:راولا کوٹ : کالعدم ایکشن کمیٹی کا ریاست گیر لاک ڈاؤن سے متعلق اجلاس بے نتیجہ ختم
تاہم، شہریوں کے مطابق زمینی حقیقت اس کے بالکل برعکس ہے اور سوشل میڈیا پر کیے جانے والے ان دعووں اور اعلانات کا خطے پر کوئی اثر مرتب نہیں ہو سکا ہے۔
جہلم ویلی اور وادی لیپہ کی عوام کا موقف:
مقامی آبادی کے مطابق ضلع جہلم ویلی اور بالخصوص وادی لیپہ کے پورے علاقے میں جوائنٹ عوامی ایکشن کمیٹی کی جانب سے دی جانے والی احتجاج اور لانگ مارچ کی کال مکمل طور پر بے اثر ثابت ہوئی ہے۔
عوام کا مزید کہنا ہے کہ انہی وجوہات کی بنا پر گزشتہ چار ماہ سے مسلسل اعلان کیے جانے کے باوجود اب تک کوئی لانگ مارچ نہیں نکل سکا ہے اور عوامی سطح پر اس کا کوئی اثر نظر نہیں آ رہا ہے۔
