ایشان کشن

ایشان کشن نے پاکستانی اسپنرز کو بڑا چیلنج قرار دے دیا

ایشین گیمز 2026 کے فائنل سے قبل بھارتی وکٹ کیپر بلے باز ایشان کشن نے پاکستانی اسپنرز کے خطرے کا اعتراف کرتے ہوئے کہا ہے کہ پاکستان کی اسپن بولنگ ایک بڑا چیلنج ہوسکتی ہے۔

پاکستان اور بھارت کے درمیان ایشین گیمز 2026 کا فائنل 3 اکتوبر کو کوروگی اسپورٹس پارک میں کھیلا جائے گا جبکہ میچ پاکستانی وقت کے مطابق صبح 9:30 بجے شروع ہوگا۔

سیمی فائنل میں اسپنرز کا راج

پاکستان کو فائنل تک پہنچانے میں اسپنرز نے اہم کردار ادا کیا۔ جمعرات کو اسی میدان میں کھیلے گئے سیمی فائنل میں بنگلا دیش کی تمام 6 وکٹیں پاکستانی اسپنرز نے حاصل کیں۔

پاکستان کی جانب سے بائیں ہاتھ کے اسپنر سفیان مقیم نے شاندار بولنگ کرتے ہوئے 3 اوورز میں 26 رنز دے کر 3 وکٹیں حاصل کیں۔

عرفات منہاس اور صائم ایوب بھی نمایاں

عرفات منہاس نے بھی مؤثر اسپن بولنگ کا مظاہرہ کیا اور 3 اوورز میں 23 رنز دے کر 2 کھلاڑیوں کو آؤٹ کیا، جبکہ صائم ایوب نے صرف 2 اوورز میں 3 رنز دے کر ایک وکٹ حاصل کی۔

یوں پاکستان کے اسپن اٹیک نے بنگلا دیش کے خلاف سیمی فائنل میں فیصلہ کن کردار ادا کیا۔

ایشان کشن کا بڑا اعتراف

فائنل سے قبل بھارتی ٹیم کو پاکستان کے اسپنرز کے چیلنج کا سامنا ہے۔ ایشان کشن نے پاکستانی اسپن بولنگ کی صلاحیت کو تسلیم کرتے ہوئے کہا کہ پاکستان اسپنرز کے لیے سازگار ٹیم ہے۔

فائنل کے دباؤ سے کیسے نمٹیں گے؟

28 سالہ ایشان کشن کا کہنا تھا کہ وہ فائنل کے بارے میں زیادہ سوچنے کے بجائے پرسکون رہنے اور کھیل کے اہم لمحات سے لطف اندوز ہونے پر توجہ دیں گے۔

 حال میں رہنا ہے 

ایشان کشن کے مطابق کھلاڑیوں کو یہ سوچنے کے بجائے کہ دو دن بعد کیا ہوگا، موجودہ لمحے پر توجہ مرکوز رکھنی چاہیے، پرسکون رہنا چاہیے اور اپنے شاٹس کھیلنے چاہئیں۔

پاکستان، بھارت مقابلے کی تیاریاں مکمل

ایشان کشن نے کہا کہ فائنل میں بھارتی ٹیم کی توجہ اہم لمحات سے فائدہ اٹھانے پر ہوگی۔ دوسری جانب پاکستان کی جانب سے سیمی فائنل میں اسپنرز کی شاندار کارکردگی کے بعد فائنل میں بھی ان سے اہم کردار کی توقع کی جا رہی ہے۔