آزاد جموں و کشمیر سے اہم سیاسی و قانونی پیشرفت سامنے آئی ہے، جہاں حکومت سازی کے عمل کو مظفرآباد ہائی کورٹ میں چیلنج کر دیا گیا ہے۔ حکومت سازی کے اس جاری عمل کے خلاف ہائی کورٹ میں باضابطہ رٹ پٹیشن دائر کی گئی ہے، جس نے آزاد کشمیر کے سیاسی حلقوں میں ایک نیا حلچل پیدا کر دیا ہے۔
یہ رٹ درخواست گزار فاروق ارشد کی جانب سے دائر کی گئی ہے۔ اپنی درخواست میں فاروق ارشد نے قانونی و آئینی مؤقف اختیار کیا ہے کہ آزاد کشمیر کے سات مختلف حلقوں میں ابھی تک انتخابی عمل مکمل نہیں ہو سکا ہے۔ درخواست گزار کے مطابق جب تک تمام حلقوں میں انتخاب کا عمل مکمل نہیں ہو جاتا، تب تک نئی حکومت کی تشکیل کے عمل کو فوری طور پر روکا جائے۔
یہ بھی پڑھیں: طارق فاروق ، افتخار گیلانی اہم ملاقات،کابینہ کی تشکیل سمیت اہم امور پر تبادلہ خیال
ہائی کورٹ میں سماعت کی تاریخ مقرر:
مظفرآباد ہائی کورٹ نے اس اہم نوعیت کی رٹ پٹیشن کو سماعت کے لیے منظور کر لیا ہے۔ اعلیٰ عدالت میں اس کیس کی باقاعدہ سماعت 15 ستمبر کو مظفرآباد میں ہوگی۔ اس سماعت کے دوران عدالت کی جانب سے حکومت سازی اور انتخابی عمل کی قانونی حیثیت سے متعلق اہم احکامات جاری کیے جانے کا امکان ہے، جس پر آزاد کشمیر کے تمام سیاسی و عوامی حلقوں کی نظریں جم گئی ہیں۔
