قومی بچت اسکیموں میں سرمایہ کاری کرنے والے شہریوں کے لیے ایک بڑی اور اہم خوشخبری سامنے آئی ہے۔ اے آر وائی نیوز کی رپورٹ کے مطابق حکومت کی جانب سے مختلف قومی بچت اسکیموں کے شرح منافع میں نمایاں اضافہ کر دیا گیا ہے۔
دستاویزات کے مطابق قومی بچت اسکیموں کے شرح منافع میں ایک فیصد سے لے کر 2.20 فیصد تک کا بڑا اضافہ کیا گیا ہے۔ اس اہم فیصلے کے بعد سرمایہ کاروں کو اپنی جمع پونجی پر پہلے سے کہیں زیادہ منافع حاصل کرنے کا موقع ملے گا۔ حکومت کی جانب سے کیے گئے اس فیصلے کے تحت منافع کی ان نئی اور بڑی ہوئی شرحوں کا باقاعدہ اطلاق 26 مئی سے نافذ العمل کر دیا جائے گا۔
یہ بھی پڑھیں: 100 روپے والے انعامی بانڈز کی قرعہ اندازی کی تاریخ کا اعلان
مختلف اسکیموں کے نئے ریٹس:
جاری کردہ نئی دستاویز کے مطابق اب خصوصی بچت اسکیموں پر منافع کی شرح بڑھا کر 11.6 فیصد تک پہنچا دی گئی ہے۔ اس کے ساتھ ہی ریگولر انکم سرٹفیکیشن پر بھی منافع کی شرح کو دوبارہ سے مقرر کرتے ہوئے 11.82 فیصد کر دیا گیا ہے، جس سے ماہانہ آمدنی حاصل کرنے والے افراد کو براہ راست فائدہ پہنچے گا۔ دوسری جانب دستاویز میں واضح کیا گیا ہے کہ بہبود اور پنشن اسکیموں پر منافع کی شرح کو 12 فیصد پر ہی برقرار رکھا جائے گا۔
بہبود سیونگ سرٹیفکیٹس پر منافع کا حساب:
اس سے قبل حکومت کی جانب سے بہبود سیونگ سرٹیفکیٹس میں 2 لاکھ روپے کی سرمایہ کاری کرنے والے افراد کے لیے بھی منافع کی شرح میں اضافے کا باقاعدہ اعلان کیا گیا تھا۔ حکومت نے بہبود سیونگ سرٹیفکیٹس پر منافع کی مجموعی شرح کو 12.96 فیصد مقرر کیا ہے۔ اس نئی مقرر کردہ شرح کا مطلب یہ ہے کہ اب عوام 100,000 روپے کی سرمایہ کاری کرنے پر ہر مہینے 1,080 روپے کا ماہانہ منافع کما سکتے ہیں۔
مزید پڑھیں: 1500 روپے کے پرائز بانڈ کی قرعہ اندازی، 30 لاکھ کا پہلا انعام کس کا ہے؟
سرمایہ کاری پر ماہانہ منافع کی تفصیل:
حکومت کے اس اقدام کے بعد اگر کوئی شہری 200,000 روپے مالیت کے بہبود سرٹیفکیٹ خریدتا ہے اور اس میں سرمایہ کاری کرتا ہے، تو اسے اب ہر مہینے 2,160 روپے کا ماہانہ منافع دیا جائے گا۔ اس منافع بخش اضافے سے ان تمام افراد کو بڑا مالی فائدہ پہنچے گا جنہوں نے قومی بچت کی ان مختلف اسکیموں میں اپنی رقم سرمایہ کاری کے لیے رکھی ہوئی ہے۔
