حکومت کی جانب سے پٹرولیم مصنوعات کی قیمتوں میں حالیہ اضافے کے بعد ٹرانسپورٹ سیکٹر میں بھی کرایوں کے حوالے سے اہم تبدیلی سامنے آئی ہے، جس کے تحت پبلک اور گڈز ٹرانسپورٹ کے کرایوں میں اضافہ کر دیا گیا ہے۔
پٹرولیم مصنوعات کی قیمتوں میں ہونے والے حالیہ اضافے کے براہ راست اثر کے طور پر پبلک ٹرانسپورٹ کے کرایوں میں 5 فیصد اضافہ کر دیا گیا ہے۔ اس فیصلے کا اطلاق مسافر بسوں، ویگنوں اور دیگر عوامی سواریوں پر ہوگا، جس سے مسافروں کے سفری اخراجات میں اضافہ متوقع ہے۔
یہ بھی پڑھیں: معروف ٹرانسپورٹر ظہور خان قتل کیس،سپریم کورٹ نے مجرم کی اپیل خارج کردی
گڈز ٹرانسپورٹ اور منی مزدا کے نئے نرخ:
دوسری جانب گڈز ٹرانسپورٹ اور منی مزدا کے کرایوں میں پبلک ٹرانسپورٹ کے مقابلے میں زیادہ اضافہ دیکھنے میں آیا ہے۔ اعلامیے کے مطابق گڈز ٹرانسپورٹ اور منی مزدا کے کرایوں میں 10 فیصد اضافہ کر دیا گیا ہے۔ سامان کی ترسیل کے لیے استعمال ہونے والی ان گاڑیوں کے کرایوں میں اضافے سے اشیائے ضروریہ کی قیمتوں پر بھی اثر پڑنے کا امکان ہے۔
