امریکی سینٹرل کمانڈ نے آبنائے ہرمز کی ناکہ بندی کا اعلان کردیا ہے،امریکی سینٹرل کمان کا کہنا ہے کہ پیر کی صبح 10بجے آبنائے ہرمز کی ناکہ بندی کی جائے گی۔
سینیٹ کام کا کہنا ہے آبنائے ہرمز سے ہرقسم کے جہازوں کی آمدورفت بند کی جائے گی۔
یہ بھی پڑھیں: ایران آبنائے ہرمز سے گزرنے والے تیل پر فی بیرل ٹیکس لے گا،بڑا اعلان کردیا
امریکی سینٹرل کمانڈ (سینٹ کام) کے اعلان کے مطابق امریکی افواج 13 اپریل کو صبح 10 بجے( پاکستانی وقت شام 7بجے) سے ایرانی بندرگاہوں میں داخل ہونے اور نکلنے والی تمام سمندری ٹریفک کی ناکہ بندی پر عمل درآمد شروع کر دیں گی۔
بیان کے مطابق ایرانی بندرگاہوں اور ساحلی علاقوں بشمول خلیج عرب اور خلیج عمان کی تمام ایرانی بندرگاہوں میں داخل ہونے یا جانے والے تمام ممالک کے جہازوں کے خلاف ناکہ بندی غیر جانبداری سے نافذ کی جائے گی۔
ترجمان کا کہنا ہے امریکی فورسز آبنائے ہرمز سے غیر ایرانی بندرگاہوں تک جانے اور آنے والے جہازوں کی آزادی میں رکاوٹ نہیں ڈالیں گی۔
(سینٹ کام کے مطابق تجارتی بحری جہازوں کو ناکہ بندی شروع ہونے سے پہلے ایک رسمی نوٹس کے ذریعے اضافی معلومات فراہم کی جائیں گی۔
یہ بھی پڑھیں: الجریزہ بھی گودی میڈیا کی ڈگر پر چل پڑا ،جھوٹی رپورٹنگ شروع کردی
سینٹ کام نے تمام بحری جہازوں کو مشورہ دہے کہ وہ میرینرز کی نشریات کی نگرانی کریں اور خلیج عمان اور آبنائے ہرمز کے نقطہ نظر میں کام کرتے وقت پل سے پل چینل 16 پر امریکی بحری افواج سے رابطہ کریں۔
امریکا کی طرف سے ایرانی بندرگاہوں کی ناکہ بندی کے اعلان پر ایک بار پھر کشیدگی بڑھنے کا امکان ہےاور سفارتکاری کو دھچکا لگنے کا امکان ہے۔
