آزاد کشمیر کے مختلف علاقوں میں حالیہ برفباری کے بعد سردی کی شدت میں تو اضافہ ہوا ہے لیکن موسم خشک ہونے کے باعث سیاحتی مقامات کی رونقیں بحال ہو گئی ہیں۔ آج آزاد کشمیر کے بیشتر علاقوں میں خوبصورت سورج کی کرنوں کے ساتھ مطلع صاف ہے تاہم با لائی علاقوں میں کہیں کہیں برفباری اور بارش کا امکان ہے۔
آزاد کشمیر کے مختلف علاقوں میں حالیہ برفباری کے بعدوادی نیلم، لیپہ، جہلم ویلی، باغ اور حویلی کے بالائی علاقوں کا قدرتی حسن مزید نکھر گیا ہے اور سیاحتی مقامات کی رونقیں بحال ہو گئی ہیں ، ملک بھر سے سیاح بڑی تعداد میں ان علاقوں کا رخ کر رہے ہیں تاہم سٹیٹ ڈیزاسٹر منیجمنٹ اتھارٹی (ایس ڈی ایم اے) نے سیاحوں اور مقامی افراد کو احتیاطی تدابیر اختیار کرنے کی ہدایت کی ہے اور بلند پہاڑی علاقوں کے سفر سے گریز کرنے کا مشورہ دیا ہے۔
آج مظفر آباد، میر پور، بھمبر اور کوٹلی میں اس شدید سردی میں مطلع فی الحال صاف ہے اور لوگ سورج کی کرنوں کو انجوائے کر رہے ہیں۔باغ میں آج موسم جزوی طور پر ابر آلود ہے تاہم محکمہ موسمیات کے مطابق کل پیر کو آزاد کشمیر کے بیشتر علاقوں میں بارش کا امکان ہے اوربالائی علاقوں میں برفباری اور بارش کی توقع ہے۔
آج مظفرآباد میں موسم صاف اور دھوپ والا ہے، موجودہ درجہ حرارت 7 ڈگری سینٹی گریڈ ہے۔ آج زیادہ سے زیادہ درجہ حرارت 17 ڈگری سینٹی گریڈ اور کم سے کم 8 ڈگری سینٹی گریڈ رہنے کا امکان ہے البتہ کل3 مارچ کو وقفے وقفے سے بارش متوقع ہے۔
میرپور میں آج موسم چمکدار دھوپ والا ہےموجودہ درجہ حرارت 8 ڈگری سینٹی گریڈ ہےاور آج زیادہ سے زیادہ درجہ حرارت 20 ڈگری سینٹی گریڈ اور کم سے کم 10 ڈگری سینٹی گریڈ رہنے کا امکان ہے۔ کل 3 مارچ کو بارش کی پیشگوئی ہے۔
کوٹلی میں آج موسم بھرپور دھوپ والا ہے موجودہ درجہ حرارت 9 ڈگری سینٹی گریڈ ہے۔ آج زیادہ سے زیادہ درجہ حرارت 21 ڈگری سینٹی گریڈ اور کم سے کم 9 ڈگری سینٹی گریڈ رہنے کا امکان ہے۔ کل3 مارچ کو ایک یا دو بارشوں کی پیشگوئی ہے۔
باغ میں آج موسم جزوی طور پر ابر آلود ہے، درجہ حرارت 4 ڈگری سینٹی گریڈ سے 12 ڈگری سینٹی گریڈ کے درمیان رہنے کا امکان ہے جبکہ کل، 3 مارچ کو، موسم خشک رہنے کی توقع ہے۔
بھمبر میں آج موسم صاف اور دھوپ ہے، درجہ حرارت 7 ڈگری سینٹی گریڈ سے 15 ڈگری سینٹی گریڈ کے درمیان رہنے کا امکان ہے۔ کل3 مارچ کو موسم جزوی طور پر ابر آلود رہنے کی توقع ہے۔
محکمہ موسمیات کے مطابق بالائی علاقوں میں آئندہ 24 گھنٹوں میں بارش اور برفباری کی توقع ہےجس سے سردی کی شدت میں اضافہ ہو سکتا ہے۔
موسم کی صورتحال تیزی سے تبدیل ہو سکتی ہے؛ تازہ ترین معلومات کے لیے محکمہ موسمیات کی ویب سائٹ ملاحظہ کریں۔
