پاکستانی شوبز انڈسٹری کی مشہور اداکارہ ہانیہ عامر ایک بار پھر اپنی خوش مزاجی اور بہترین انداز کی وجہ سے سوشل میڈیا پر چھا گئی ہیں۔ اس بار وہ اپنی قریبی دوست اور مشہور اسٹائلسٹ آرندا النور کی شادی کی تقریبات میں اپنی بھرپور شرکت کی وجہ سے خبروں کی زینت بنی ہوئی ہیں۔
شادی کی ان رنگا رنگ تقریبات میں شوبز کی کئی بڑی شخصیات نے شرکت کی جن میں اداکارہ یشما گل بھی شامل تھیں۔ تمام مہمانوں نے شادی کے ان لمحات کو خوب انجوائے کیا اور جشن منا کر اسے یادگار بنایا۔
یہ بھی پڑھیں: انتخابات کے عالمی معیار پر پورا اتریں گے: چیف الیکشن کمشنر آزاد کشمیر کا بڑا دعویٰ
View this post on Instagram
خاص طور پر قوالی نائٹ اور سنگیت کی تقریب میں ہانیہ عامر کا انداز سب سے الگ اور نمایاں رہا۔ ان تقریبات میں ان کے ڈانس کی ویڈیوز سوشل میڈیا پر تیزی سے وائرل ہو رہی ہیں۔ ہانیہ عامر نے اس موقع پر معروف ڈیزائنر حسین رہر کا تیار کردہ سیاہ اور سنہری رنگ کا خوبصورت لہنگا پہنا ہوا تھا جس میں ان کی شخصیت بہت دلکش نظر آ رہی تھی۔
