پاکستانی باکسر سمیر خان کی ایک پرانی ویڈیو سوشل میڈیا پر تیزی سے وائرل ہو رہی ہے، جس میں انہوں نے زمین پر گرے بھارتی جھنڈے کو اٹھا کر اسپورٹس مین اسپرٹ کی ایک اعلیٰ مثال قائم کی ہے۔
یہ واقعہ چند ماہ قبل ایک بین الاقوامی ایونٹ کے دوران پیش آیا تھا، جہاں سمیر خان نے حب الوطنی اور پیشہ ورانہ اخلاقیات کا مظاہرہ کرتے ہوئے گرا ہوا جھنڈا اٹھایا اور اسے عزت کے ساتھ میز پر رکھ دیا۔
یہ بھی پڑھیں:ملتان سلطانز نے راولپنڈیز کی پہلی جیت کا خواب چکنا چور کردیا
پاکستانی ایتھلیٹ کے اس عمل نے دنیا کو یہ پیغام دیا ہے کہ دونوں ممالک کے سیاسی تعلقات اور کھیلوں کے میدان میں ہونے والی رقابت اپنی جگہ، لیکن کسی بھی ملک کے پرچم کا احترام ایک کھلاڑی کی بنیادی ذمہ داری ہے۔ سمیر خان نے یہ ثابت کر دیا کہ پاکستانی کھلاڑی کھیل کو صرف ایک کھیل سمجھتے ہیں اور میدان سے باہر انسانیت اور احترام کو مقدم رکھتے ہیں۔
During a sports event, a Pakistani player was seen picking up the Indian flag from the ground, a moment widely viewed as a display of sportsmanship and mutual respect beyond national rivalry. The act drew attention for promoting positive values and unity in the spirit of the… pic.twitter.com/XTkqb9HSyr
— Murtaza Ali Shah (@MurtazaViews) April 6, 2026
سمیر خان کے اس جذبے کو نہ صرف پاکستان بلکہ سرحد پار اور عالمی سطح پر بھی بھرپور طریقے سے سراہا جا رہا ہے۔ سوشل میڈیا صارفین کا کہنا ہے کہ اس طرح کے اقدامات سے ہی دنیا میں امن اور بھائی چارے کو فروغ ملتا ہے۔
