ایچ بی ایل پی ایس ایل 11 کا آفیشل نغمہ جاری، عاطف اسلم کی آواز نے جادو جگا دیا

پی ایس ایل, تازہ ترین / / By

پاکستان سپر لیگ (پی ایس ایل) کے گیارہویں ایڈیشن کا باقاعدہ نغمہ جاری کر دیا گیا ہے۔ اس سال ایچ بی ایل پی ایس ایل 11 کے نغمے کو عالمی شہرت یافتہ گلوکار عاطف اسلم نے اپنی آواز سے سجایا ہے۔

اس گانے کی تھیم ’’کھیلیں گے بیٹ پہ‘‘ رکھی گئی ہے، جس میں عاطف اسلم کے ساتھ معروف گلوکارہ آئمہ بیگ، صابری سسٹرز اور دانیا کنول نے بھی اپنی آواز کا جادو جگایا ہے۔ اس نغمے کی ریلیز کے ساتھ ہی شائقینِ کرکٹ میں ایونٹ کے حوالے سے جوش و خروش مزید بڑھ گیا ہے۔

یہ بھی پڑھیں: سری لنکا کے مہیش تھیکشانا پی ایس ایل کا حصہ بن گئے، پی سی بی کانیا شیڈول جاری

دوسری جانب لاہور میں ایک پروقار تقریب منعقد ہوئی جس میں چیئرمین پی سی بی محسن نقوی نے ملکی و غیر ملکی کھلاڑیوں اور معزز شخصیات کا پرتپاک استقبال کیا۔ اس تقریب کی خاص بات پی ایس ایل 11 کی ٹرافی کی رونمائی تھی، جسے تمام ٹیموں کے کپتانوں اور شائقین کی موجودگی میں پیش کیا گیا۔

واضح رہے کہ پی ایس ایل 11 کے نئے شیڈول کے مطابق ایونٹ کا آغاز کل 26 مارچ سے ہوگا اور یہ 3 مئی تک جاری رہے گا۔ ایونٹ کے تمام میچز دو بڑے شہروں کراچی اور لاہور میں کھیلے جائیں گے۔

Must Read