دبئی میں منعقد ہونے والے گلوبل اسپورٹس سمٹ کے دوران پاکستان کے اولمپک جیولین تھرو اسٹار ارشد ندیم کی فیفا کے صدر جیانی ان فینٹینو سے ملاقات ہوئی۔ اس ملاقات کے دوران عالمی کھیلوں کی ممتاز شخصیات بھی موجود تھیں، جہاں مختلف کھیلوں سے وابستہ نمایاں افراد نے شرکت کی۔
ذرائع کے مطابق گلوبل اسپورٹس سمٹ کے موقع پر ہونے والی اس ملاقات میں فیفا کے صدر جیانی ان فینٹینو نے ارشد ندیم سے جیولین تھرو کے حوالے سے گفتگو کی۔ ملاقات کے دوران فیفا کے صدر نے ارشد ندیم سے ان کی تھرو کے بارے میں سوال کیا، جس پر ارشد ندیم نے بتایا کہ انہوں نے 92 میٹر کی تھرو کی تھی اور اب ان کا ہدف اس ریکارڈ کو مزید بہتر بنانا ہے۔
اس موقع پر فیفا کے صدر نے ارشد ندیم کے لیے نیک خواہشات کا اظہار کیا اور ان کے ساتھ تصاویر بھی بنوائیں۔ ذرائع کا کہنا ہے کہ فیفا کے صدر جیانی ان فینٹینو جیولین تھرو اسٹار ارشد ندیم کے کارناموں سے پہلے ہی واقف تھے، جس کا اظہار انہوں نے ملاقات کے دوران کیا۔
یہ بھی پڑھیں: شاہین آفریدی کو بی بی ایل سے واپس بلا لیا گیا، قومی کرکٹر کا پیغام بھی سامنے آگیا
ذرائع کے مطابق جب فیفا کے صدر نے ارشد ندیم کو بتایا کہ وہ ان کے بارے میں جانتے ہیں تو اس پر ارشد ندیم خوشگوار حیرت کا شکار ہو گئے۔ ملاقات کے دوران دونوں شخصیات کے درمیان مختصر مگر خوشگوار گفتگو ہوئی، جسے وہاں موجود شرکا نے بھی اہم قرار دیا۔
یاد رہے کہ پاکستان کے اولمپک گولڈ میڈلسٹ ارشد ندیم کو دبئی کے حکمران کے نام سے منسوب شیخ محمد بن زاید ایوارڈ سے بھی نوازا گیا ہے۔ دبئی میں ہونے والے ورلڈ اسپورٹس سمٹ کے دوران دنیائے اسپورٹس کی نامور شخصیات کی موجودگی میں اولمپک جیولین تھرو چیمپئن ارشد ندیم کو یہ ایوارڈ دیا گیا۔
یہ بھی پڑھیں:کرکٹر حارث رؤف جان لیوا حادثے سے بال بال بچ گئے،ویڈیو وائرل
ورلڈ اسپورٹس سمٹ کے دوران ایوارڈ کی تقریب میں ارشد ندیم کی کامیابیوں کو سراہا گیا، جہاں بین الاقوامی کھیلوں سے وابستہ اہم شخصیات شریک تھیں۔ اس موقع پر ارشد ندیم کو ملنے والا یہ اعزاز تقریب کی نمایاں جھلکیوں میں شامل رہا۔
From the field to global forums—sport truly speaks one language. A privilege to meet FIFA President Gianni Infantino at the World Sports Summit. pic.twitter.com/VlyIFapWYk
— Arshad Nadeem (@ArshadOlympian1) December 30, 2025
