ہونڈا نے اپنے سِٹی 1.2 سی وی ٹی صارفین کے لیے محدود مدت کی خصوصی پروموشن کا اعلان کیا ہے جس کے تحت خریدار اپنی گاڑی کے اندرونی حصے کو پریمیئم بلیک فیبرک میں بغیر کسی اضافی قیمت کے اپ گریڈ کروا سکتے ہیں۔ یہ پیشکش اُن گاڑیوں کے لیے بھی دستیاب ہوگی جو پہلے سے بُک ہو چکی ہیں، جبکہ دسمبر 2025 میں کی جانے والی نئی بُکنگز پر بھی یہی سہولت فراہم کی جائے گی۔
کمپنی اس خصوصی ڈیل کو اپنے ملک بھر میں موجود 3S ڈیلرشپ نیٹ ورک کے ذریعے فروغ دے رہی ہے اور صارفین کو ترغیب دی جا رہی ہے کہ وہ شوز روم کا دورہ کر کے اس مفت اپ گریڈ سے فائدہ اٹھائیں۔ کمپنی کے مطابق اس پروموشن کا مقصد انٹری لیول سِٹی ماڈل میں اضافی قدر شامل کرنا ہے، جو پاکستان میں کمپنی کی سب سے زیادہ فروخت ہونے والی گاڑیوں میں سے ایک ہے۔
تفصیلات کے مطابق اپ گریڈ شدہ انٹیریئر میں پریمیئم بلیک سیٹ فیبرک اور کیبن فائنش شامل ہیں، جو خریداروں کے لیے محدود مدت کے دوران بغیر کسی اضافی چارج کے دستیاب ہوں گے۔ اس اپ گریڈ کا مقصد صارفین کو بہتر اندرونی کوالٹی فراہم کرتے ہوئے گاڑی کے مجموعی ماحول کو مزید بہتر بنانا ہے۔
یہ بھی پڑھیں: وزیراعظم آزادکشمیر کا خطاب، عوام کے اعتماد پر اظہار تشکر
اس سے قبل ستمبر میں ہونڈا ایٹلس پاکستان نے سٹی ایسپائرایس متعارف کرائی تھی، جس میں متعدد بیرونی تبدیلیاں شامل کی گئی تھیں۔ ان میں اپ ڈیٹڈ ہونڈا ایمبلم، بلیک ٹرنک اسپوائلر کے ساتھ ایل ای ڈی ہائی ماؤنٹ اسٹاپ لیمپ، اور بلیک شارک فن اینٹینا شامل تھے، جنہوں نے اس ماڈل کی ظاہری ساخت اور ڈیزائن میں نمایاں بہتری پیدا کی۔
مزید برآں کمپنی نے اپنی رنگین اقسام میں اضافہ کرتے ہوئے دو نئے رنگ بھی شامل کیے، جن میں کینین ریور بلو اور اگنائٹ ریڈ شامل ہیں، تاکہ صارفین کو گاڑی کی مزید کسٹمائزیشن کے مواقع فراہم کیے جا سکیں۔
یہ بھی پڑھیں:ہونڈا CG 125 گولڈ 2026 اب آسان اقساط پر دستیاب
قبل ازیں پاکستانی آٹو مارکیٹ میں ایک نیا دلکش اضافہ سامنے آ چکا ہے، جہاں نئی ہونڈا سٹی ایسپائر ایس مقامی مارکیٹ میں دستیاب ہے۔ اس ماڈل نے اپنی بیرونی خوبصورتی، اندرونی فیچرز اور کارکردگی کی وجہ سے صارفین کی توجہ حاصل کی ہے، جس کے باعث یہ گاڑی مارکیٹ میں نمایاں مقام حاصل کر رہی ہے۔
