اگر آپ روزانہ ایک ماہ تک گرین ٹی پئیں تو یہ معمولی عادت جسم میں اندرونی سطح پر مثبت اور دیرپا تبدیلیاں پیدا کر سکتی ہے ۔
میٹابولزم میں بہتری :
ماہرین کے مطابق گرین ٹی جسم میں چربی جلانے اور توانائی پیدا کرنے کے عمل کو تیز کرتی ہے ۔ ایک ماہ کے روزانہ استعمال کے بعد توانائی میں اضافہ محسوس ہوتا ہے، ہاضمہ بہتر ہوتا ہے، کھانا جلد ہضم ہوتا ہے، پیٹ کی سوجن اور بوجھل پن کم ہوتا ہے اور وزن کم کرنے میں بھی باقاعدگی اور بہتر رفتار دیکھی جاتی ہے ۔
جلد پر اثرات :
گرین ٹی میں موجود طاقتور اینٹی آکسیڈنٹس جلد کی سوزش اور نقصان کو کم کرتے ہیں۔ ایک ماہ تک روزانہ استعمال سے اکثر لوگوں کی جلد پر دانے اور سرخی میں کمی آتی ہے، رنگت صاف اور شفاف محسوس ہوتی ہے، اور چہرہ تازہ دکھائی دیتا ہے۔
دماغی سکون اور ذہنی کارکردگی :
گرین ٹی میں ایل تھیانین اور ہلکی کیفین دماغ کو پرسکون رکھتے ہیں ۔ ایک ماہ تک روزانہ استعمال سے توجہ میں اضافہ، ذہنی تھکاوٹ میں کمی، موڈ میں بہتری، اور یادداشت و سوچنے کی صلاحیت میں اضافہ محسوس ہوتا ہے ۔
آنتوں اور ہاضمے کی صحت :
گرین ٹی قدرتی پری بائیوٹک کا کام کرتی ہے اور صحت مند بیکٹیریا کی تعداد بڑھاتی ہے ۔ ایک ماہ میں ہاضمے میں بہتری آتی ہے، گیس اور پیٹ پھولنے کی شکایت کم ہوتی ہے، کھانے کے بعد بوجھل پن نہیں رہتا، اور آنتوں کی بہتر صحت مدافعتی نظام کو بھی مضبوط کرتی ہے ۔
دل کی صحت پر مثبت اثرات :
گرین ٹی کے قدرتی اجزا خون کی شریانوں کی حفاظت کرتے ہیں اور دل کے نظام پر مثبت اثر ڈالتے ہیں۔ روزانہ پینے سے خراب کولیسٹرول (LDL) میں کمی، بلڈ پریشر متوازن، خون کی بہتر گردش، اور طویل مدت میں دل کی بیماریوں کے خطرات کم ہو سکتے ہیں ۔
تناؤ اور بے چینی میں کمی :
تحقیقات کے مطابق گرین ٹی تناؤ بڑھانے والے ہارمون کی سطح کم کرتی ہے ۔ اس کے روزانہ استعمال سے نیند بہتر ہوتی ہے، بے چینی اور چڑچڑاپن کم ہوتا ہے، جذباتی استحکام بڑھتا ہے اور ذہن زیادہ پرسکون رہتا ہے ۔
مزید یہ بھی پڑھیں:برڈفلو ایک بار پھر سر اٹھانے لگا، 50 پرندے ہلاک ،الرٹ جاری
