اوسلو: امن کا نوبیل انعام 2025 ماریہ کورینا مچاڈو کو دے دیا گیا ۔
نارویجن نوبیل کمیٹی کے مطابق مچاڈو کو یہ اعزاز وینزویلا کے عوام کے جمہوری حقوق کے فروغ اور آمریت سے جمہوریت کی منصفانہ و پُرامن منتقلی کے لیے ان کی جدوجہد کے اعتراف میں دیا گیا ۔
واضح رہے کہ امن کا نوبیل انعام اُن افراد یا اداروں کو دیا جاتا ہے جنہوں نے ملکوں کے درمیان بھائی چارہ بڑھانے ، فوجی تنازعات کم کرنے یا ختم کرنے، اور عالمی امن قائم کرنے میں نمایاں کردار ادا کیا ہو۔
BREAKING NEWS
The Norwegian Nobel Committee has decided to award the 2025 #NobelPeacePrize to Maria Corina Machado for her tireless work promoting democratic rights for the people of Venezuela and for her struggle to achieve a just and peaceful transition from dictatorship to… pic.twitter.com/Zgth8KNJk9— The Nobel Prize (@NobelPrize) October 10, 2025
یہ نوبیل انعام سوئیڈن کے کاروباری شخصیت الفریڈ نوبیل کی یاد میں دیا جاتا ہے ، جنہوں نے ڈائنامائٹ ایجاد کیا تھا ۔ انہوں نے اپنی تقریباً تمام دولت ایک فنڈ میں جمع کرا دی تھی تاکہ یہ انعامات تقسیم کیے جا سکیں ۔ پہلی بار نوبیل انعامات سال 1901 میں دیے گئے تھے ۔
امریکی صدرٹرمپ کی نامزدگی اور حمایت:
امریکی صدر ڈونلڈ ٹرمپ بھی امن نوبیل انعام حاصل کرنے کے خواہش مند تھے اور دعویٰ کرتے تھے کہ انہوں نے کئی جنگیں ختم کرائی ہیں اور بین الاقوامی امن کے لیے کام کیا ہے ، اس لیے انہیں یہ انعام ملنا چاہیے ۔
مزید یہ بھی پڑھیں:ٹرمپ کا نوبیل پرائز جیتنےکا جنون، سات جنگیں رکوانےکادعویٰ
پاکستان نے بھی پاک بھارت جنگ رکوانے میں امریکی صدرڈونلڈ ٹرمپ کی کوششوں کو تسلیم کرتے ہوئے 20 جون کو اعلان کیا تھا کہ وہ امن نوبیل کے حق دار ہیں ۔ بعد ازاں اسرائیل ، کمبوڈیا ، آرمینیا اور آذربائیجان نے بھی صدر ٹرمپ کے لیے اس اعزاز کی حمایت کی لیکن آخرکار انہیں یہ انعام حاصل نہ ہو سکا ۔
سوئیڈن کی رائل سوئیڈش اکیڈمی آف سائنس کے سربراہ جورجین واٹن فریڈنس نے نوبیل امن انعام 2025 کااعلان کرتے ہوئے کہا کہ امن کا نوبیل انعام وینزویلا کی جمہوریت نواز رہنما ماریہ کورینا مچاڈو کو دیا جاتا ہے ۔
