قومی کرکٹ ٹیم کے سابق کپتان انضمام الحق اور مصباح کو پاکستان کرکٹ بورڈ (پی سی بی) کے ہال آف فیم میں شامل کرلیا گیا۔
تفصیلات کے مطابق انضمام الحق اور مصباح الحق کو ہال آف فیم میں شامل کرنے کی تقریب کا انعقاد قذافی اسٹیڈیم لاہور میں ہو ا جہاں چیئرمین بورڈبورڈ سیدمحسن نقوی نے دونوں سابق کپتانوں کوہال آف فیم کی کیپ پہنائی اور پلا ک بھی پیش کی۔
یہ بھی پڑھیں:پہلا ون ڈے : نیوزی لینڈ سے شکست پر کپتان محمد رضوان کا بیان آگیا
ہال آف فیم کیپ پہن کر انضمام الحق اور مصباح الحق نے گراؤنڈ کا راؤنڈ لگا یا اور شائقین کرکٹ نے دوں کھلاڑیوں کا تالیاں بجا کر بھر پور خیر مقدم کیا۔ اس موقع پر چیئرمین پی سی بی نے دونوں کھلاڑیوں کی پاکستان کرکٹ کے لئے خدمات کی تعریف کی اور کہا کہ یہ پاکستان کی خوش قسمتی ہے کہ ایسے شاندار کھلاڑی پیدا کئے جنہوں نے اپنے اسکلز اور سپورٹس مین اسپرٹ کو پوری دنیا میں دکھایا۔
یہ بھی پڑھیں:چیمپئنز ٹرافی: قومی کرکٹ ٹیم کی نئی جرسی کی تقریب رونمائی
انہوں نے کہا کہ امید ہے کہ ہمارے نوجوان کرکٹرز بھی ان عظیم کھلا ڑی بھی ان کے نقش قدم پر چلیں گے اور پاکستان کرکٹ کی پوزیشن کو مضبوط کرنے میں اہم کردار ادا کریں گے ۔ تقریب کے دوران آئی سی سی چیمپئنز ٹرافی کی نمائش بھی کی گئی جہاں سابق کپتانوں نے ٹرافی کے ساتھ تصویر بنوائی اور ٹرافی کو اٹھایا۔
