اسلام آباد (کشمیر ڈیجیٹل)آزادجموں وکشمیر کے وزیراعظم چوہدری انوارالحق نے ایس ایس جی کمانڈو میجر عدنان اسلم کی شہادت پر انہیں خراج عقیدت پیش کیا ہے ۔
اپنے خصوصی بیان میں وزیراعظم آزاد کشمیر نے کہا کہ میجر عدنان اسلم نے بہادری کی اعلیٰ مثال قائم کی ، میجر عدنان بنوں حملے میں شدید زخمی ہونے کے بعد تین دن سی ایم ایچ راولپنڈی میں زیر علاج رہنے کے بعد شہادت کے عظیم رتبے پر فا ئز ہوئے ۔
واضح رہے کہ میجر عدنان بنوں میں آپریشن کے دوران اپنے ساتھی کو بچاتے ہوئے زخمی ہوئے تھے ۔ انوار الحق نے کہا کہ وطن کا یہ بہادر سپوت ہمیشہ یاد رکھا جائے گا۔ پوری قوم اپنے اس بہادر بھائی،بیٹے کو سلام پیش کرتی ہے ۔
مزید یہ بھی پڑھیں:وزیراعظم انوارالحق سے چوہدری یاسین کی ملاقات، پارلیمانی کشمیر کمیٹی کو فعال کرنے پراتفاق
میجر عدنان اسلم ، اس قوم کی حفاظت میں آپ کی بہادری ، ہمت اور خدمت نسلوں تک یاد رکھی جائیگی، آخر میں انہوں نے کہا کہ شہید کی جو موت ہے وہ قوم کی حیات ہے ۔
