ایشیا کرکٹ کپ 2025 کے ٹکٹس پر شائقین کیلئے مزید خصوصی آفرز کا اعلان کردیا گیا۔
ایشیا کپ کے منتظمین کے مطابق شائقین کیلئے تین مختلف پیکجز متعارف کرائے گئے ہیں جن کی قیمت 475 درہم سے شروع ہورہی ہے۔
انتظامیہ کا کہنا ہے کہ محدود تعداد میں انفرادی ٹکٹ بھی دستیاب ہوں گے۔
DP World Asia Cup 2025 – Exciting match ticket packages are available NOW!
Details 👇👇 pic.twitter.com/pXSWvMApDq— UAE Cricket Official (@EmiratesCricket) September 2, 2025
پہلا پیکج 475 درہم کا ہے جس میں شائقین بھارت بمقابلہ یو اے ای، پاکستان بمقابلہ عمان اور پاکستان بمقابلہ بھارت کے میچز دیکھ سکیں گے۔
یہ بھی پڑھیں: ایشیا کپ: پاک بھارت میچ سے پہلے وسیم اکرم نےفیورٹ ٹیم کا انکشاف کر دیا!
دوسرے پیکج کی قیمت 525 درہم رکھی گئی ہے جس میں سپر فور کے تین میچز شامل ہوں گے۔
تیسرے پیکج کی قیمت بھی 525 درہم ہے جس میں سپر فور کے دو میچز اور فائنل شامل ہوگا۔
آنے والے دنوں میں دبئی انٹرنیشنل اسٹیڈیم اور ابوظہبی کے شیخ زید اسٹیڈیم پر ٹکٹ آفس بھی کھولے جائیں گے۔
