شارجہ (کشمیر ڈیجیٹل) سہ فریقی سیریز کے افتتاحی میچ میں پاکستان اور افغانستان مدمقابل آئے۔
میڈیا رپورٹس کے مطابق ماضی کی طرح افغان شائقین کی بھگڈراور طوفان بدتمیزی مچاتے ہوئے نہ صرف بغیر ٹکٹ اسٹیڈیم میں داخل ہوئے بلکہ مرکزی گیٹ کے ساتھ شائقین کیلئے مختص دروازہ بھی توڑ دیا۔
شارجہ اسٹیڈیم کی انتظامیہ نے ماضی کے واقعات کو مدںظر رکھتے ہوئے پاک افغان شائقین کے لیے الگ الگ اسٹینڈز، پویلینز اور راستے مختص کیے تھے۔
دونوں ممالک کے شائقین کیلئے ٹکٹس کے رنگ بھی مختلف رکھے گئے تھے۔
واضح رہے کہ پاکستان نے سیریز کے افتتاحی میچ میں افغانستان کو 39 رنز سے شکست دے کر فاتحانہ آغاز کیا ہے۔
قومی ٹیم آج اپنا دوسرا میچ یو اے ای کے خلاف کھیلے گی۔
مزید یہ بھی پڑھیں:ڈالڈا فاونڈیشن سکالر شپ پروگرام میں آزاد کشمیرکے طلباء بھی شامل
