امکان

آزادکشمیر سمیت مختلف علاقوں میں طوفانی بارش،ندی نالوں میں طغیانی ، ایک بار پھر الرٹ جاری

موسم / / By

اسلام آباد (کشمیر ڈیجیٹل)آزادکشمیر ، گلگت بلتستان، اسلام آباد، راولپنڈی سمیت مختلف علاقوں میں شدید بارشوں کا الرٹ، 24 اگست کو مارگلہ ہلز کے اہم ٹریلز بند رکھنے کا فیصلہ

محکمہ موسمیات کی پیشگوئی کے مطابق آئندہ 24 گھنٹوں میں اسلام آباد میں شدید ترین بارش کے باعث طغیانی کا خدشہ ظاہر کیا گیا ہے ۔ راولپنڈی میں بھی ایمرجنسی رین الرٹ جاری، نالہ لئی کے قریب رہائشی بستیوں کیلئے بھی الرٹ جاری۔

دوسری جانب آزادکشمیر کے بالائی علاقوں ، نیلم ویلی ، باغ، حویلی، راولاکوٹ، جہلم ویلی ، بھمبر ، کوٹلی ، راولاکوٹ میں بھی گرج چمک کیساتھ طوفانی بارش کا امکان ہے ۔ سیاح حضرات موسمیاتی اپ ڈیٹ لیکر بالائی علاقوں کا رخ کریں ۔
دوسری جانب آزادکشمیر انتظامیہ کی جانب سے بھی سیاحوں اور شہریوں کیلئے الرٹ جاری کردیا جس میں کہا گیا ہے کہ ندی نالوں میں طغیانی کے باعث نشیبی علاقوں کیلئے خطرہ ہے جبکہ لینڈ سلائیڈنگ سے متعدد سڑکیں بند ہونے کا بھی امکان ہے


آزادکشمیر میں گرج چمک کیساتھ طوفانی بارش شروع، ندی نالوں میں طغیانی ، الرٹ جاری کردیا۔
دوسری جانب ایڈیشنل ڈسٹرکٹ مجسٹریٹ اسلام آباد صاحبزاہ محمد یوسف کے دستخط سے جاری نوٹیفیکیشن کے مطابق 24 اگست 2025 کو ٹریل نمبر 2، 3، 4، 5 اور سیدپور گاؤں کے پیچھے والا ٹریل بند رہیں گے۔

نوٹیفیکیشن میں کہا گیا ہے کہ شہریوں کی جان و مال کے تحفظ کے لیے یہ اقدام ناگزیر تھا، کیونکہ بارشوں کے دوران لینڈ سلائیڈنگ، پھسلن اور دیگر حادثات کے امکانات بڑھ جاتے ہیں۔

انتظامیہ نے شہریوں اور ہائیکرز کو متنبہ کیا ہے کہ وہ 24 اگست کو کسی بھی ٹریل پر جانے سے گریز کریں اور اپنی حفاظت کو ترجیح دیں۔

مزید کہا گیا ہے کہ محکمہ موسمیات کی جانب سے جاری کی گئی وارننگ کو سنجیدگی سے لیا جائے تاکہ کسی بھی ناخوشگوار واقعے سے بچا جا سکے۔

Must Read

Scroll to Top