(کشمیر ڈیجیٹل) اوگرا نے پیٹرولیم مصنوعات کی قیمتوں میں بڑی کمی کی سفارشات تیار کر کے حکومت کو بھجوا دی ہیں، جن کے تحت 16 اگست سے کئی مصنوعات کی قیمتوں میں نمایاں تبدیلی متوقع ہے۔
ذرائع کے مطابق 16 اگست سے ڈیزل کی قیمت میں 11 روپے 75 پیسے کمی ہو سکتی ہے، جس سے ڈیزل کی قیمت 285.83 روپے سے کم ہو کر 274.08 روپے فی لیٹر ہو جائے گی۔ اسی طرح، انڈسٹری نے پٹرول کی قیمت میں ایک روپے 32 پیسے اضافے کی سفارش کی ہے، جس کے بعد پٹرول 264.61 روپے سے بڑھ کر 265.93 روپے فی لیٹر ہو سکتا ہے۔
مٹی کے تیل میں فی لیٹر 6 روپے 25 پیسے کمی متوقع ہے، جس سے اس کی قیمت 185.46 روپے سے کم ہو کر 179.21 روپے مقرر ہونے کا امکان ہے۔ لائٹ ڈیزل آئل کی قیمت میں بھی 7 روپے 11 پیسے تک کمی ہو سکتی ہے، جس کے بعد یہ 170.36 روپے سے کم ہو کر 163.25 روپے فی لیٹر ہو جائے گا۔
یہ بھی پڑھیں: وادی نیلم میں کُنڈل شاہی آبشار کا پُل ایک بار پھر سیلابی ریلے میں بہہ گیا
اوگرا کی جانب سے تیار کردہ یہ سمری وفاقی حکومت کو بھیج دی گئی ہے، جس کے بعد وزیر اعظم شہباز شریف نئی پٹرولیم قیمتوں کی حتمی منظوری دیں گے۔ منظوری کے بعد وزارت خزانہ کی جانب سے نوٹی فکیشن جاری کیا جائے گا۔
