(کشمیر ڈیجیٹل)فیلڈ مارشل سید عاصم منیر کے صدر بننے کی افواہوں اور بھارتی جارحیت پر پاک فوج کا دو ٹوک ردعمل سامنے آ گیا ہے۔
ڈی جی آئی ایس پی آر لیفٹیننٹ جنرل احمد شریف چودھری نے برطانوی جریدے دی اکانومسٹ کو خصوصی انٹرویو دیتے ہوئے فیلڈ مارشل سید عاصم منیر کے صدر بننے سے متعلق خبروں کو “جھوٹ” قرار دے دیا۔
ترجمان پاک فوج نے معرکۂ حق کے بعد سامنے آنے والے سیاسی تجزیے بھی مسترد کر دیئے۔
لیفٹیننٹ جنرل احمد شریف چودھری نے واضح الفاظ میں کہا کہ فیلڈ مارشل سید عاصم منیر کے بارے میں پاکستان کے صدر بننے کی باتیں مکمل طور پر بے بنیاد ہیں۔
انٹرویو کے دوران جب ان سے سوال کیا گیا کہ پاکستان بھارتی فوجی کارروائی پر کیا ردعمل ظاہر کرے گا، تو ڈی جی آئی ایس پی آر لیفٹیننٹ جنرل احمد شریف چودھری نے دوٹوک جواب دیتے ہوئے کہا:”بھارت نے حملہ کیا تو اس بار اس کے مشرق سے آغاز کریں گے، شروعات بھارت کے اندر گہرائی سے حملہ کرنے سے ہوگی۔”
یہ بھی پڑھیں: پیرس میں ایفل ٹاور کے سامنے یومِ استحصال کشمیر پر احتجاجی مظاہرہ
انہوں نے مزید کہا:”بھارت کو یہ سمجھنے کی ضرورت ہے کہ وہ بھی ہر جگہ مارے جا سکتے ہیں۔”
