برمنگھم: ورلڈ چیمپئن شپ آف لیجنڈز کے دوسرے سیمی فائنل میں جنوبی افریقا چیمپئنز نے آسٹریلیا چیمپئنز کو سنسنی خیز مقابلے کے بعد ایک رن سے شکست دے کر فائنل کیلئے کوالیفائی کرلیا۔
انگلینڈ میں جاری ورلڈ چیمپئن شپ آف لیجنڈز کے دوسرے سیمی فائنل میں جنوبی افریقا چیمپئنز نے آسٹریلیا چیمپئنز کے خلاف ٹاس جیت کر بیٹنگ کا فیصلہ کیا۔
جنوبی افریقا چیمپئنز نے مقررہ 20 اوورز میں 8 وکٹوں کے نقصان پر 186رنز اسکور کئے۔مورنی وین ویک 76 رنز کے ساتھ نمایاں رہے۔اسٹمس نے 57 رنز کی اننگز کھیلی۔
187 رنز کےہدف کے جواب میں آسٹریلیا چیمپئنز نے ڈٹ کر مقابلہ کیا لیکن صرف ایک رن سے شکست کھا بیٹھے۔
یہ بھی پڑھیں: لیجنڈزلیگ،بھارت کا شاہینوں کیخلاف کھیلنے سے پھر انکار،پاکستان فائنل میں پہنچ گیا
ہدف کے تعاقب میں آسٹریلیا چیمپئنز نے 7 وکٹوں کے نقصان پر 185 رنز بنائے۔ڈینیئل کرسچن 49 رنزکے ساتھ نمایاں رہے۔
آسٹریلیا چیمپئنز کے خلاف ایک رن سے کامیابی کے ساتھ جنوبی افریقا چیمپئنز نے ایونٹ کے فائنل کیلئے کوالیفائی کرلیا جہاں کل ہفتے کو اس کا مقابلہ پاکستان چیمپئنز سے ہوگا۔
یہ بھی پڑھیں: ورلڈ چیمپئن شپ آف لیجنڈز،سعید اجمل کی تباہ کن بولنگ،آسڑیلیا کو10وکٹوں سے شکست دیدی
واضح رہے کہ ورلڈ چیمپئن شپ آف لیجنڈز کے پہلے سیمی فائنل میں بھارت نے پاکستان کے ساتھ کھیلنے سے انکار کر دیا تھا جس کے بعد پاکستان چیمپئنز نے فائنل کیلئے کوالیفائی کرلیا تھا۔
