عمان میں ویزا تجدید کی آخری تاریخ 31 جولائی، پاکستانی محتاط رہیں

(کشمیر ڈیجیٹل )عمان میں مقیم غیر ملکی شہریوں بشمول پاکستانیوں کیلئے ایک اہم اطلاع جاری کی گئی ہے، جس کے مطابق تمام غیر ملکیوں کو 31 جولائی 2025 تک لازمی طور پر اپنے ویزا کی تجدید کروانا یا ملک چھوڑنا ہوگا۔ بصورت دیگر بھاری جرمانے عائد کیے جائیں گے۔

عمانی وزارتِ لیبر نے حتمی نوٹس جاری کرتے ہوئے غیر ملکی شہریوں، آجروں اور کارکنوں کو ہدایت دی ہے کہ وہ 31 جولائی کی ڈیڈ لائن سے قبل رعایتی مدت کا فائدہ اٹھا کر اپنے لیبر ویزا کی تجدید کروائیں۔

نجی ٹی وی کی رپورٹ کے مطابق، وزارت لیبر نے وضاحت کی ہے کہ 31 جولائی 2025 کے بعد کسی قسم کی درخواست قبول نہیں کی جائے گی۔ تمام درخواستیں سرکاری ڈیجیٹل پلیٹ فارم یا منظور شدہ سروس سینٹرز کے ذریعے جمع کروائی جا سکتی ہیں۔

یہ ہدایت اُس وسیع ایمنسٹی پیکج کے تسلسل میں سامنے آئی ہے جو جنوری 2025 میں متعارف کرایا گیا تھا۔ اس پیکج کی منظوری عمانی کابینہ نے دی تھی جس کی مالیت 60 ملین عمانی ریال (تقریباً 156 ملین امریکی ڈالر) تھی۔

ایمنسٹی پروگرام کے مقاصد میں لیبر مارکیٹ کو ضابطے میں لانا، کارکنوں اور آجروں کے حقوق کا تحفظ اور بہتر روزگار ماحول کی فراہمی شامل ہے۔

اس اقدام کے تحت دی جانے والی سہولیات درج ذیل ہیں:

سات سال سے غیر فعال لیبر کارڈز پر تمام جرمانوں اور واجبات کی مکمل معافی
2018 سے پہلے عمان چھوڑنے والے کارکنوں کیلئے وطن واپسی کے اخراجات سے استثنیٰ
10 سال سے زائد غیر استعمال شدہ لیبر کارڈز کی خودکار منسوخی (اگر سروس سے متعلق کوئی زیر التواء درخواست موجود نہ ہو)

رعایتی مدت (1 فروری تا 31 جولائی 2025) کے دوران غیر ملکی افراد درج ذیل سہولیات حاصل کر سکتے ہیں: