میرپور (کشمیر ڈیجیٹل):آزاد جموں و کشمیر انٹرمیڈیٹ و ثانوی تعلیمی بورڈ میرپور نے امتحان ثانوی فرسٹ اینول 2025ء کے نتائج اور پوزیشن ہولڈرز طلباء و طالبات کے ناموں کا باضابطہ اعلان کر دیا۔
امتحان میں مجموعی طور پر 73 ہزار 583 طلباء و طالبات نے شرکت کے لیے فارم جمع کروائے، جن میں سے 72 ہزار 583 طلباء و طالبات امتحان میں شامل ہوئے۔ ان میں سے 56 ہزار 282 ریگولر جبکہ 16 ہزار 301 پرائیویٹ امیدوار تھے۔
ریگولر طلباء و طالبات میں سے 48 ہزار 506 نے کامیابی حاصل کی، جس کا نتیجہ 86 فیصد رہا، جبکہ پرائیویٹ طلباء و طالبات میں سے 6 ہزار 631 کامیاب قرار پائے اور ان کا نتیجہ 40 فیصد رہا۔ اس طرح مجموعی طور پر 72 ہزار 583 میں سے 55 ہزار 137 طلباء و طالبات نے کامیابی حاصل کی اور مجموعی نتیجہ 75.96 فیصد رہا۔
نمایاں پوزیشنز:
1۔ مجموعی پوزیشنز:
اوّل: فاطمہ نیئرہ دختر شبیر الحسن، رول نمبر 103680، کشمیر ماڈل کالج میرپور – 1192/1200
دوم: صالحہ عباس دختر عباس احمد، رول نمبر 117963، ریڈ فاؤنڈیشن کالج پلندری ضلع سدھنوتی – 1185/1200
سوئم: عائشہ یوسف دختر یوسف صدیق، رول نمبر 117957، ریڈ فاؤنڈیشن کالج پلندری ضلع سدھنوتی
علیشہ پرویز دختر پرویز اختر، رول نمبر 116357، گرائمر پبلک سکول راولاکوٹ ضلع پونچھ – 1182/1200
2۔ سائنس گروپ (طالبات):
اوّل: فاطمہ نیئرہ – 1192/1200
دوم: صالحہ عباس – 1185/1200
سوئم: عائشہ یوسف اور علیشہ پرویز – 1182/1200
3۔ سائنس گروپ (طلباء):
اوّل: سید سلمان حیدر ولد سید احسن علی شاہ، رول نمبر 138485، اورین ایجوکیشن سسٹم باغ – 1180/1200
دوم: محمد حسن علی ولد امجد حسین، رول نمبر 131573، ریڈ فاؤنڈیشن کالج بھمبر – 1177/1200
سوئم: واصف نجیب ولد محمد نجیب، رول نمبر 138467، اورین ایجوکیشن سسٹم باغ – 1176/1200
4۔ علم و ادب گروپ (طالبات):
اوّل: مریم پرویز دختر پرویز اختر، رول نمبر 154939، سرسید کالج آف کمپیوٹر سائنس چوکی ضلع بھمبر – 1147/1200
دوم: زویا خوشحال دختر محمد خوشحال، رول نمبر 156676، علامہ اقبال پبلک سکول سیری ضلع کوٹلی – 1137/1200
سوئم: ایمان آزاد قریشی دختر محمد آزاد شاہین، رول نمبر 156638، فاطمۃ الزہرہ گرلز کالج کوٹلی – 1111/1200
5۔ علم و ادب گروپ (طلباء):
اوّل: احسن خالق ولد عبدالخالق خان، رول نمبر 180607، راجہ محمد یونس شہید گورنمنٹ ہائی سکول دھوندار ضلع باغ – 1118/1200
دوم: محمد عبد اللہ ولد اظہر اقبال، رول نمبر 175346، گورنمنٹ ہائی سکول تونین رجانی ضلع بھمبر – 1069/1200
سوئم: بلال نصیر ولد محمد نصیر خان، پرائیویٹ امیدوار ضلع پونچھ – 1067/1200
یہ بھی پڑھیں: آزادکشمیر حکومت کی جانب سے پولیس کے الاؤنسز میں اضافہ کر دیا گیا، مون سون ایمرجنسی پر 80 کروڑ روپے جاری
